നാദിർഷയുടെ സഹോദരൻ നായകനാകുന്ന 'വർക്കി' ട്രെയിലർ

നാദിർഷായുടെ സഹോദരനും ഗായകനുമായ സമദ് സുലെെമാന്‍ നായകനാകുന്ന വർക്കി എന്ന സിനിമയുടെ ട്രെയിലർ പുറത്തിറങ്ങി. പുതുമുഖം ദൃശ്യ ദിനേശാണ് ചിത്രത്തിൽ പ്രധാന കഥാപാത്രങ്ങളായെത്തുന്ത്. നവാഗതനായ ആദര്‍ശ് വേണുഗോപാലന്‍ തിരക്കഥയെഴുതി സംവിധാനം ചെയ്യുന്ന സിനിമയാണ് വര്‍ക്കി.

ചടുലമായ രംഗങ്ങളാൽ സമ‍ൃദ്ധമാണ് ചിത്രമെന്നാണ് ട്രെയിലർ തരുന്ന സൂചന. മലയാളത്തിൽ വീണ്ടുമൊരു ഗുണ്ടാക്കഥ പറയുന്ന സിനിമയാണിതെന്നാണ് ട്രെയില‍‍ർ കാണുമ്പോൾ മനസ്സിലാവുന്നത്. സലീംകുമാര്‍, ശ്രീജിത്ത് രവി, മിഥുന്‍ രമേശ്, അലന്‍സിയര്‍, സാദ്ദീഖ്, ജെന്‍സണ്‍ ആലപ്പാട്ട് , ജയശങ്കര്‍, ശ്രീകുമാര്‍, ലിതിന്‍ ജോയ്, സുധീര്‍ പറവൂര്‍, കൃഷ്ണപ്രഭ, മാല പാര്‍വ്വതി, അഞ്ജന അപ്പുക്കുട്ടന്‍, അമ്പിളി, രജിത മോഹന്‍, കുളപ്പുളി ലീല തുടങ്ങിയവരാണ് ചിത്രത്തിലെ പ്രധാന താരങ്ങള്‍.

മേപ്പാടന്‍ ഫിലിംസിന്‍റെ ബാനറില്‍ ബിജു മണികണ്ഠന്‍, ഗ്രീഷ്മ സുധാകരന്‍ എന്നിവര്‍ ചേര്‍ന്നു നിര്‍മ്മിക്കുന്ന ഈ ചിത്രത്തിന്‍റെ ഛായാഗ്രഹണവും എഡിറ്റിങ്ങും ശ്യാമാണ് നിര്‍വ്വഹിക്കുന്നത്. ജ്യോതിഷ് ടി. കാശി, ആദര്‍ശ് വേണുഗോപാലന്‍ എന്നിവരുടെ വരികള്‍ക്ക് സുമേഷ് സോമസുന്ദറാണ് സംഗീതം പകര്‍ന്നിരിക്കുന്ന്. മാർച്ച് ആറിനാണ് സിനിമയുടെ റിലീസ്.