ബിജെപിക്കെതിരെ ശബ്ദിക്കുന്നതിനാലാണ് എസ് ദുർഗ്ഗയെ ഒഴിവാക്കിയത്: സനൽ കുമാര്‍

ബിജെപിക്കെതിരെ ശബ്ദം ഉയര്‍ത്തുന്നതിനാലാണ് സെക്സി ദുർഗ്ഗയ്ക്ക് പനോരമയിൽ ഇടം കിട്ടാത്തതെന്ന് സംവിധായകൻ സനൽ കുമാര്‍. ചിത്രത്തെ ഇന്‍റനാഷണല്‍ ഫിലിം ഫെസ്റ്റിവല്‍ ഓഫ് ഇന്ത്യയില്‍ ഇന്ത്യന്‍ പനോരമ വിഭാഗത്തില്‍ നിന്നും ഒഴിവാക്കിയിരുന്നു. കേന്ദ്രമന്ത്രി സ്മൃതി ഇറാനിയുടെ ഈ നടപടിയെ വിമർശിച്ചാണ് സംവിധായകൻ സനൽ കുമാർ ശശിധരൻ രംഗത്തെത്തിയിരിക്കുന്നത്. സെക്സി ദുർഗ്ഗയോട് ചലച്ചിത്ര അക്കാദമി ചെയ്തത് ഇപ്പോൾ സ്‌മൃതി ഇറാനി സെക്സി ദുർഗ്ഗയോട് ചെയ്തതിന്‍റെ ഇടതുപക്ഷ വേർഷൻ എന്നല്ലാതെ എനിക്ക് കാണാൻ കഴിയുന്നില്ലെന്ന് സനൽ കുമാർ ഫേസ്‍‍ബുക്കിൽ കുറിച്ചു.

അക്കാദമിയെയും സർക്കാരിനെയും അതിന്‍റെ നിലപാടുകളെയും വിമർശിക്കുന്നു എന്നതാണ് സെക്സി ദുർഗയോട് അക്കാദമിയുടെ അസ്വാരസ്വത്തിനു കാരണമെന്നും അദ്ദേഹം ചൂണ്ടിക്കാട്ടി. ചിത്രം മേളയിൽ നിന്ന് പൂര്‍ണമായി ഒഴിവാക്കിയാൽ ഇപ്പോൾ മൗനമായിരിക്കുന്ന സാംസ്കാരിക അടിമകൾ പോലും വായ തുറന്നാലോ എന്ന് പേടിച്ചിട്ടാണ് സിനിമയെ മലയാള സിനിമ ഇന്ന് എന്ന വിഭാഗത്തിൽ ഉൾപ്പെടുത്തിയതെന്നും അക്കാദമിക്കെതിരെ മിണ്ടാതിരുന്ന സിനിമാബുജ്ജികൾ ഇപ്പോൾ ഇൻബോക്സിൽ വന്നു കറങ്ങുന്നുണ്ടെന്നും സനൽ കുമാര്‍ ഫേസ്ബുക്കിൽ കുറിച്ചു. എത്ര ബോറന്മാരാണ് നിങ്ങൾ എന്‍റെ സാറമ്മാരെ എന്ന് ചോദിച്ചുകൊണ്ടാണ് സനൽ കുമാർകുറിപ്പ് അവസാനിപ്പിച്ചിരിക്കുന്നത്.




മഹേഷ് നാരായണൻ സംവിധാനം ചെയ്ത ടേക്ക് ഓഫ് മാത്രമാണ് പനോരമയില്‍ ഇടം പിടിച്ച മലയാളം സിനിമ. ദേശീയ പുരസ്കാര ജേതാവായ രവി ജാദവിന്‍റെ മറാത്തി ചിത്രമായ നഗ്ന മോഡലിങ് ആയ ഒരു പെൺകുട്ടിയുടെ അതിജീവനത്തിന്‍റെ കഥ പറയുന്ന ‘നൂഡ്’ അവസാന നിമിഷം പട്ടികയിൽനിന്നും ഒഴിവാക്കി. ഈ ചിത്രവും സെക്സി ദുർഗ്ഗയും ഉൾപ്പെടെ 24 സിനിമകളാണ് ഇന്ത്യൻ പനോരമ വിഭാഗത്തിലേക്ക് 13 പേരടങ്ങിയ ജൂറി തെരഞ്ഞെടുത്തിരുന്നത്. എന്നാൽ കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയം പുറത്തിറക്കിയ ലിസ്റ്റിൽ ഈ രണ്ടു ചിത്രങ്ങളും ഒഴിവാക്കിയ നിലയിലാണ്. യും ഉൾപ്പെടുത്തിയില്ല.

ജോളി എൽഎൽബി 2, ബാഹുബലി 2, വെന്‍റിലേറ്റർ, പൂർണ തുടങ്ങിയ ചിത്രങ്ങൾ ഉൾപ്പെടെ 26 ചിത്രങ്ങളാണ് ഇന്ത്യൻ പനോരമ വിഭാഗത്തിൽ പ്രദർശിപ്പിക്കുക. വിനോദ് കാപ്രി സംവിധാനം ചെയ്ത ഹിന്ദി ചിത്രം ‘പിഹു’ ആണ് മേളയിലെ ഉദ്ഘാടന ചിത്രമായി പ്രദര്‍ശിപ്പിക്കുക. ചിത്രങ്ങൾ തെരഞ്ഞെടുക്കുന്ന ജൂറിയുടെ അധ്യക്ഷൻ സുജോയ് ഘോഷ് ആയിരുന്നു. ഈ മാസം 20 മുതൽ 28 വരെയാണ് 48-ാമത് ഗോവ അന്താരാഷ്ട്ര ചലച്ചിത്രോത്സവം അരങ്ങേറുക.



Sanal Kumar Sasidharan's facebook post about drop sexy durga from iffi

IFFI 2017: IB Ministry drops Nude, S Durga from shortlist; Sanal Kumar Sasidharan's facebook post about drop sexy durga from iffi