'ഞാന്‍ പ്രകാശന്‍' ഫസ്റ്റ് ലുക്ക് പോസ്റ്റര്‍ കാണാം

ഫഹദ് ഫാസിലിനെ നായകനാക്കി സത്യൻ അന്തിക്കാട് സംവിധാനം ചെയ്യുന്ന 'ഞാൻ പ്രകാശൻ്റെ' ഫസ്റ്റ് ലുക്ക് പോസ്റ്റര്‍ പുറത്ത് വിട്ടു. നടൻ ശ്രീനിവാസനാണ് ചിത്രത്തിന് തിരക്കഥ ഒരുക്കിയിരിക്കുന്നത് എന്ന വലിയ പ്രത്യേകത ഈ ചിത്രത്തിനുണ്ട്. നീണ്ട പതിനാറ് വര്‍ഷത്തിന് ശേഷം സത്യൻ അന്തിക്കാടും ശ്രീനിവാസനും ഒരുമിക്കുന്നത് ഞാൻ പ്രകാശനിലൂടെയാണ്. ശ്രീനിവാസനും ഗോപാല്‍ജി എന്ന കഥാപാത്രമായി ചിത്രത്തില്‍ എത്തുന്നുണ്ട്.


യമഹ ബൈക്കിൽ കൂളിങ് ഗ്ലാസ് വച്ച ഫഹദിനെയാണ് ഫസ്റ്റ് ലുക്ക് പോസ്റ്ററില്‍ കാണാനാകുന്നത്. നിഖില വിമലാണ് ചിത്രത്തിലെ നായിക. പ്രകാശന്‍ എന്ന പേര് ഗസറ്റില്‍ പരസ്യം ചെയ്ത് പി.ആര്‍ ആകാശ് എന്നാക്കി മാറ്റിയ കഥാപാത്രമായാണ് ഫഹദ് ചിത്രത്തിലെത്തുന്നത്. സലോമി എന്നാണ് നായിക കഥാപാത്രത്തിൻ്റെ പേര്. ഷാൻ റഹ്മാനാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്.