ആർ എസ് വിമൽ സംവിധാനം ചെയ്ത എന്നു നിന്റെ മൊയ്തീൻ എന്ന സൂപ്പർഹിറ്റ് ചിത്രത്തിന് രണ്ടാം ഭാഗം ഒരുങ്ങുന്നു. മൊയ്തീൻ- കാഞ്ചമാല പ്രണയത്തിനുപരിയായി സാമൂഹികപ്രവർത്തകനും സിനിമാപ്രേമിയും കായികപ്രേമിയുമായ മൊയ്തീനെയാണ് രണ്ടാം ഭാഗത്തിൽ ചിത്രീകരിക്കുന്നത്. ആദ്യഭാഗത്തിന്റെ സംവിധായകൻ ആർ എസ് വിമലാവില്ല രണ്ടാംഭാഗം സംവിധാനം ചെയ്യുക എന്ന പ്രത്യേകതയുമുണ്ട്. മൊയ്തീന്റെ സഹോദനായ ബി പി റഷീദാണ് രണ്ടാം ഭാഗത്തിനായി തിരക്കഥയെഴുതുന്നത്. നിർമാണവും റഷീദ് തന്നെയാണ്. ഏഴ് കോടിയാണ് ബജറ്റ്.
പൃഥ്വിരാജിന്റെ പ്രത്യേക താൽപ്പര്യത്തിലാണ് ചിത്രത്തിന്റെ രണ്ടാം ഭാഗം ഒരുങ്ങുന്നത്. 2017 മാർച്ചിൽ ചിത്രം തീയറ്ററുകളിലെത്തിക്കാനാണ് പദ്ധതി. എന്നാൽ ചിത്രത്തിന്റെ രണ്ടാം ഭാഗത്തിൽ നിന്ന് വിമലിനെ ഒഴിവാക്കിയതിന്റെ കാരണം വ്യക്തമല്ല. പൃഥ്വിരാജും വിമലും തമ്മിൽ തെറ്റിയതായി അടുത്തിടെ വാർത്തകളും വന്നിരുന്നു. പൃഥ്വിരാജിനെ നായകനാക്കി വിമൽ സംവിധാനം ചെയ്യാനിരുന്ന കർണൻ വേണ്ടെന്ന് വെച്ചതായും റിപ്പോർട്ടുകൾ പുറത്ത് വന്നിരുന്നു.
പൃഥ്വിരാജിന്റെ പ്രത്യേക താൽപ്പര്യത്തിലാണ് ചിത്രത്തിന്റെ രണ്ടാം ഭാഗം ഒരുങ്ങുന്നത്. 2017 മാർച്ചിൽ ചിത്രം തീയറ്ററുകളിലെത്തിക്കാനാണ് പദ്ധതി. എന്നാൽ ചിത്രത്തിന്റെ രണ്ടാം ഭാഗത്തിൽ നിന്ന് വിമലിനെ ഒഴിവാക്കിയതിന്റെ കാരണം വ്യക്തമല്ല. പൃഥ്വിരാജും വിമലും തമ്മിൽ തെറ്റിയതായി അടുത്തിടെ വാർത്തകളും വന്നിരുന്നു. പൃഥ്വിരാജിനെ നായകനാക്കി വിമൽ സംവിധാനം ചെയ്യാനിരുന്ന കർണൻ വേണ്ടെന്ന് വെച്ചതായും റിപ്പോർട്ടുകൾ പുറത്ത് വന്നിരുന്നു.