യുവ നോവലിസ്റ്റ് അശ്വതിയുടെ ആത്മഹത്യ, രഹസ്യങ്ങൾ ചുരുളഴിക്കാനെത്തിയ രണ്ടുപേർ!; കോടതിമുറിയിലെ സംഭവങ്ങളുമായി സെക്ഷൻ 306 ഐ പി സി റിലീസിങ്ങിന് ഒരുങ്ങുന്നു!

രൺജി പണിക്കരും ശാന്തി കൃഷ്ണയും ഉശിരൻ വക്കീൽ കഥാപാത്രങ്ങളായി എത്തുന്ന സിനിമയാണ് സെക്ഷൻ 306 ഐ പി സി. ശ്രീനാഥ് ശിവ കഥയെഴുതി സംവിധാനം ചെയ്തിരിക്കുന്നു. വി എച്ച് ദിനാർ തിരക്കഥയും സംഭാഷണവും ഒരുക്കിയിരിക്കുന്നു. ഡിയോപി പ്രദീപ് നായർ. ശ്രീ വർമ പ്രൊഡക്ഷൻസിന്റെ ബാനറിൽ ശ്രീജിത്ത് വർമ്മയാണ് ചിത്രം നിർമ്മിച്ചിരിക്കുന്നത്. സംഗീതസംവിധാനം നിർവ്വഹിച്ചിരിക്കുന്നത് കൈതപ്രം വിശ്വനാഥൻ, വിദ്യാധരൻ മാസ്റ്റർ ദീപാങ്കുരൻ എന്നിവരാണ്. മെറീന മൈക്കിൾ, രാഹുൽ മാധവ്, ജയരാജ് വാര്യർ, കലാഭവൻ റഹ്മാൻ, മനുരാജ്, എം ജി ശശി, പ്രിയനന്ദനൻ,റിയ, സാവിത്രിയമ്മ തുടങ്ങിയവരാണ് മറ്റ് അഭിനേതാക്കൾ.

യുവ നോവലിസ്റ്റായ അശ്വതി എന്ന കഥാപാത്രത്തിൻ്റെ ആത്മഹത്യയുമായി ബന്ധപ്പെട്ടുള്ള അന്വേഷണത്തോടെയാണ് സിനിമ കഥയിലേക്ക് കടക്കുന്നത്. നോവലിസ്റ്റായ അശ്വതിയെ ആത്മഹത്യയിലേക്ക് നയിച്ചത് 'ദൈവഹിതമായി' എന്നായിരുന്നു. അത് അവളുടെ മരണത്തിലേക്ക് നയിച്ചു. ഒരാളുടെ മരണത്തിന് കാരണമായ വാക്കോ പ്രവൃത്തിയോ മറ്റൊരാളിൽ നിന്നും ഉണ്ടായാൽ ഉള്ള കേസാണ് സെക്ഷൻ306 ഐപിസി.

അശ്വതിയുടെ തൂലികയിൽ വിരിഞ്ഞ വാക്കുകൾക്ക് കത്തിയുടെ മൂർച്ചയുണ്ടായിരുന്നു. അഭിരാമിയാണ് അശ്വതി എന്ന കഥാപാത്രമായി എത്തുന്നത്. അഡ്വക്കേറ്റ് നന്ദ എന്ന ശക്തമായ സ്ത്രീ കഥാപാത്രത്തെ അവതരിപ്പിക്കുന്നത് ശാന്തികൃഷ്ണയാണ്. രഞ്ജി പണിക്കരാണ് അഡ്വക്കറ്റ് രാംദാസ് ആയി ചിത്രത്തിൽ നിറഞ്ഞു നിൽക്കുന്നത്. എസ് എച്ച് ഒ മുരളീധരൻ എന്ന കരുത്തുറ്റ പ്രധാന കഥാപാത്രത്തെയാണ് ശ്രീജിത്ത് വർമ്മ അവതരിപ്പിക്കുന്നത്.

ഗാനരചന കൈതപ്രം ബി കെ ഹരിനാരായണനാണ്. പശ്ചാത്തല സംഗീതം ബിജിബാൽ നിർവ്വഹിക്കുന്നു. എഡിറ്റിംഗ് സിയാൻ ശ്രീകാന്ത് നിർവ്വഹിക്കുന്നു. കല എം ബാവ. കോസ്റ്റ്യൂം ഷിബു പരമേശ്വരൻ. മേക്കപ്പ് ലിബിൻ മോഹൻ. അസോസിയേറ്റ് ഡയറക്ടർ സുമിത്ത് ലാൽ. പ്രൊഡക്ഷൻ കൺട്രോളർ ഷാജി ഒലവക്കോട്. ചിത്രം ഉടൻ റിലീസിനു തയാറെടുക്കുന്നു. പി ആർ ഒ എം കെ ഷെജിൻ