മമ്മൂട്ടി ചിത്രവുമായി 'സെവൻത് ഡേ' സംവിധായകൻ ശ്യാംധർ

പൃഥ്വിരാജിനെ നായകനാക്കി 'സെവൻത് ഡേ' ഒരുക്കിയ സംവിധായകൻ ശ്യാംധറിന്റെ പുതിയ ചിത്രത്തിൽ മമ്മൂട്ടി നായകനാകും. ശ്യാംധർ സ്വന്തം ഫേസ്ബുക്ക് പേജിലൂടെ വ്യക്തമാക്കിയതാണിത്. ശ്യാംധറിന്‍റെ ഫേസ്ബുക്ക് പോസ്റ്റിങ്ങനെയാണ്.....


'എന്റെ ആദ്യ സിനിമയുടെ വാർത്തകൾ പുറത്തു വന്നത്.കൃത്യം മൂന്ന് വർഷങ്ങൾക്കിപ്പുറം മറ്റൊരു സന്തോഷവാർത്ത കൂടി നിങ്ങളെ അറിയിക്കുന്നു.
7thഡേ എന്ന ആദ്യ സിനിമക്ക് ശേഷം ഞാൻ ചെയ്യുന്ന പുതിയ സിനിമ ജനുവരിയിൽ ഷൂട്ട് ആരംഭിക്കുന്നു.
മെഗാസ്റ്റാർ മമ്മുട്ടിയാണ് രണ്ടാം ചിത്രത്തിലെ നായകൻ.
ആദ്യ ചിത്രമായ 7Th ഡേ യിൽ നിന്നും വളരെ വ്യത്യസ്തമായ പശ്ചാത്തലത്തിൽ ആണ് അടുത്ത ചിത്രം.
ചിരിയും ചിന്തയും ഉണർത്തുന്ന
നർമത്തിൽ പൊതിഞ്ഞ ഒരു കംപ്ലീറ്റ് ഫാമിലി എന്റെർറ്റൈനെർ ആവും പുതിയ സിനിമ.
'സഖാവ്' എന്ന ചിത്രത്തിന്റെ പ്രൊഡ്യൂസർ ബി. രാകേഷ് ആണ് യൂണിവേഴ്സൽ സിനിമയുടെ ബാനറിൽ എന്റെ ചിത്രം നിർമ്മിയ്ക്കുന്നത്. കഥ തിരക്കഥ പ്രിയ സുഹൃത്‌ രതീഷ് രവി ആണ്. അന്നും ഇന്നും നല്ല സിനിമകളെ കയ്യടിച്ചു പ്രോത്സാഹിപ്പിയ്ക്കുന്ന നിങ്ങളുടെ എല്ലാവരുടെയും പ്രാർഥനയും സപ്പോർട്ടും ഉണ്ടാവുമെന്ന വിശ്വാസത്തോടെ...ശ്യാംധർ'