സനല്‍കുമാറിന്‍റെ സെക്സി ദുര്‍ഗയ്‍ക്ക് വീണ്ടും അന്താരാഷ്ട്ര പുരസ്കാരം

കൊച്ചി: യൂറോപ്പിലെ റോട്ടര്‍ഡാം ചലച്ചിത്രോത്സവത്തില്‍ മികച്ച സിനിമക്കുള്ള പുരസ്‍കാരം നേടിയ സനല്‍ കുമാര്‍ ശശിധരന്‍റെ സെക്സി ദുര്‍ഗയ്‍ക്ക് വീണ്ടും ഒരു അന്താരാഷ്ട്ര പുരസ്‍കാരം.

അര്‍മീനിയയിലെ ഗോള്‍ഡന്‍ ആപ്രിക്കോട്ട് യേരവന്‍ അന്താരാഷ്ട്ര ചലച്ചിത്രോത്സവത്തിലെ മികച്ച ചിത്രത്തിനുള്ള പുരസ്‍കാരമാണ് സെക്സി ദുര്‍ഗ നേടിയത്. പുരസ്‌കാരം സംവിധായകനായ സനല്‍കുമാര്‍ ശശിധരനും നിര്‍മാതാവ് ഷാജി മാത്യുവും ഏറ്റുവാങ്ങി.

റോട്ടര്‍ഡാമില്‍ ഹിവോസ് ടൈഗര്‍ പുരസ്കാരം നേടിയ സെക്സി ദുര്‍ഗ, അമേരിക്കയിലെ ന്യൂയോര്‍ക്കില്‍ നടന്ന ന്യൂ ഡയറക്ടേഴ്‌സ് ന്യൂ ഫിലിം ഫെസ്റ്റിവലിലേക്കും തെരഞ്ഞെടുക്കപ്പെട്ടിരുന്നു. റഷ്യയിലെ തര്‍ക്കോവ്സ്‌കി ചലച്ചിത്രമേളയില്‍ ഛായാഗ്രഹണ മികവിനുള്ള പുരസ്‌കാരവും സെക്സി ദുര്‍ഗ നേടി.

Sexy Durga wins the Golden Apricot award at Yerevan Film Festival

Mollywood's controversial film, Sexy Durga directed by Sanal Kumar Sasidharan won the coveted Golden Apricot award at the 2017 Yerevan International Film Festival for best film.