ഷാജി എൻ കരുണ്‍ സംവിധാനം ചെയ്യുന്ന 'ഓൾ'

ടി ഡി രാമകൃഷ്‍ണന്‍റെ തിരക്കഥയില്‍ ഷാജി എന്‍ കരുണ്‍ സംവിധാനം ചെയ്യുന്ന പുതിയ ചിത്രമാണ് 'ഓള്‍'. 2014 ൽ ജയറാം നായകനായെത്തിയ 'സ്വപാന'ത്തിന് ശേഷം ഷാജി എൻ.കരുൺ സംവിധാനം ചെയുന്ന ചിത്രമാണ് 'ഓൾ'. 'ഗാഥ' എന്ന ചിത്രത്തിന്‍റെ പ്രവർത്തനം ആരംഭിക്കുന്നതായി നേരത്തെ പ്രഖ്യാപിച്ചിരുന്നു.

കൂട്ട ബലാല്‍സംഗത്തിന് പ്രായപൂര്‍ത്തിയാകുന്നതിനു മുമ്പ് ഇരയാകുന്ന പെണ്‍കുട്ടിയുടെ മനസില്‍, കുടുംബത്തെക്കുറിച്ചും പുരുഷന്‍മാരെക്കുറിച്ചുമുള്ള ചിന്തകളാണ് ചിത്രത്തിന്‍റെ പ്രമേയം. പഴയ ഹിന്ദി സിനിമാ താരം സ്‍മിതാ പാട്ടീലിന്‍റെ മകനെ ഈ സിനിമയിലൂടെ മലയാള സിനിമ രംഗത്ത് അരങ്ങേറ്റം കുറിപ്പിക്കാനാണ് ഷാജി എന്‍ കരുണിന്‍റെ ശ്രമം. ഛായാഗ്രഹണം എം ജെ രാധാകൃഷ്‍ണനും എഡിറ്റിങ് ശ്രീകര്‍ പ്രസാദും നിര്‍വഹിക്കും.

Shaji N Karun all set to direct the new movie 'Ol' based on T.D.Ramakrishnan's story.