ഷെയിൻ- നിമിഷ; 'ഈട' ആദ്യ ടീസർ കാണാം

മലബാറിൽ നിന്നുള്ള ഒരു പ്രണയകഥയാണ് ‘ഈട’. ചിത്രത്തിലെ ആദ്യ ടീസർ പുറത്തിറങ്ങി. 23 സെക്കന്റ് ദൈ‍ർഘ്യമുള്ളതാണ് ടീസർ. എൽ ജെ ഫിലിംസാണ് ചിത്രം പുറത്തിറക്കുന്നത്. ദേശീയ ചലച്ചിത്ര പുരസ്കാര ജേതാവായ ബി. അജിത് കുമാർ ആദ്യമായി സംവിധാനം ചെയ്യുന്ന ചിത്രമാണിത്.‘കിസ്മത്’, ‘സൈറാ ബാനു’, ‘പറവ’ തുടങ്ങിയ ചിത്രങ്ങളിലൂടെ മലയാളത്തില്‍ ശ്രദ്ധേയനായ യുവ നടന്‍ ഷെയ്ന്‍ നിഗമാണ് ചിത്രത്തിലെ നായക കഥാപാത്രത്തെ അവതരിപ്പിച്ചിരിക്കുന്നത്. ‘തൊണ്ടിമുതലും ദൃക്‌സാക്ഷിയും’ എന്ന ചിത്രത്തിലൂടെ പ്രേക്ഷകശ്രദ്ധ പിടിച്ചുപറ്റി അരങ്ങേറിയ നിമിഷ സജയനാണ് ചിത്രത്തിലെ നായിക.


ഡെൽറ്റ സ്റ്റുഡിയോക്കു വേണ്ടി കളക്റ്റീവ് ഫേസിന്റെ ബാനറിൽ രാജീവ് രവി അവതരിപ്പിക്കുന്ന ചിത്രത്തിന്റെ നിർമാണം നിര്‍വ്വഹിച്ചിരിക്കുന്നത് ശർമിള രാജയാണ്. സുരഭി ലക്ഷ്മി, അലൻസിയർ, പി. ബാലചന്ദ്രൻ, സുജിത് ശങ്കർ, മണികണ്ഠൻ ആചാരി, ബാബു അന്നൂർ, ഷെല്ലി കിഷോർ, രാജേഷ് ശർമ്മ, സുധി കോപ്പ, അബു വളയംകുളം, സുബീഷ് സുധി,സുനിത തുടങ്ങിയവർ ‘ഈട’യിലെ മറ്റ് കഥാപാത്രങ്ങളെ അവതരിപ്പിച്ചിരിക്കുന്നു.ചിത്രം ജനുവരി ആദ്യം പ്രദർശനത്തിനെത്തും.