ബിജു മേനോന്‍റെ 'ഷെർലക് ടോംസി'ലെ ആദ്യ ഗാനം എത്തി

ബിജു മേനോൻ നായകനാകുന്ന 'ഷെർലക് ടോംസി'ലെ ആദ്യ ഗാനം പുറത്ത് വിട്ടു. ചിത്രത്തിലെ 'പള്ളിക്കലച്ചന്‍റെ മോളേ' എന്ന് തുടങ്ങുന്ന ഗാനമാണ് പുറത്ത് വിട്ടിരിക്കുന്നത്. 'ടു കണ്‍ട്രീസ്' എന്ന സൂപ്പർഹിറ്റ് ചിത്രത്തിന് ശേഷം ഷാഫി സംവിധാനം ചെയ്യുന്ന ചിത്രമാണിത്. ഗ്ലോബൽ യുണൈറ്റഡ് മീഡിയ ആണ് ഫൺ എന്‍റർടെയ്നറായി ഒരുക്കുന്ന ചിത്രം നിർമിക്കുന്നത്. മിയയും ശ്രിൻഡയുമാണ് ചിത്രത്തിലെ നായികമാ‍ര്‍.




മേരിക്കുണ്ടൊരു കുഞ്ഞാട് എന്ന ചിത്രത്തിന് ശേഷം ഈ കൂട്ടുകെട്ടിലൊരുങ്ങുന്ന ചിത്രമ കൂടിയാണിത്. നജീം കോയയുടെ കഥയെ അടിസ്ഥാനമാക്കിയാണ് സിനിമ ഒരുക്കിയിരിക്കുന്നത്. 'ടു കണ്‍ട്രീസി'ന്‍റെ കഥയെഴുതിയ വ്യക്തിയാണ് നജീം കോയ. സച്ചിയാണ് സംഭാഷണം ഒരുക്കിയിരിക്കുന്നത്. ‌‌നജീം, സച്ചി, ഷാഫി എന്നിവർ ചേർന്ന് തിരക്കഥ തയ്യാറാക്കിയിരിക്കുന്നു.

Sherlock Toms Movie: First song Out

First song is Out from Malayalam upcoming Movie Sherlock Toms; Starring Biju Menon and Srinda