പ്രസിദ്ധ പോപ്പ് താരം ജോംഗ്ഹ്യുന്‍ ആത്മഹത്യ ചെയ്തു

പ്രമുഖ സൗത്ത് കൊറിയന്‍ പോപ്പ് താരം ജോംഗ്ഹ്യുന്‍ ആത്മഹത്യ ചെയ്തു. കൊറിയന്‍ ന്യൂസ് ഏജന്‍സിയായ യോന്‍ഹാപ് ആണ് ഇക്കാര്യം പുറത്തുവിട്ടത്. 27 വയസായിരുന്നു. ഷിനീ എന്ന ജനകീയ ബ്രാന്‍ഡിലൂടെയാണ് ജോംഗ്ഹ്യുന്‍ കൊറിയയില്‍ തരംഗം തീര്‍ത്തത്.

അപ്പാര്‍ട്ട്‌മെന്റിലായിരുന്നു പോപ്പ് താരത്തെ മരിച്ച നിലയില്‍ കണ്ടെത്തിയത്. അഞ്ചംഗങ്ങളുള്ള ബോയ് ബാന്‍ഡാണ് ഷിനീ. എസ്എം എന്റര്‍ടെയ്ന്‍മെന്റ് ഗ്രൂപ്പാണ് ബാന്‍ഡിന് രൂപം നല്‍കിയത്. ദക്ഷിണ കൊറിയയിലെ ഏറ്റവും മികച്ച ബാന്‍ഡുകളിലൊന്നായാണ് ഷിനി അറിയപ്പെടുന്നത്. മ്യൂസിക്, ഫാഷന്‍ രംഗങ്ങളില്‍ വലിയ സ്വാധീനം ചെലുത്തുന്ന ഗ്രൂപ്പാണിത്. സ്‌കെല്‍ട്ടണ്‍ ഫ്‌ളവര്‍ എന്ന പേരില്‍ 2015ല്‍ ജോംഗ്ഹ്യുന്‍ പുറത്തിറക്കിയ പുസ്തകം ഏറെ ശ്രദ്ധ പിടിച്ചുപറ്റിയിരുന്നു.