Lucifer ഷൂട്ടിംഗ് അവസാനഘട്ടത്തിലേക്ക്

മിനിക്കോയ്: മോഹന്‍ലാല്‍ പൃഥ്വിരാജ് ചിത്രം 'ലൂസിഫറി'ൻ്റെ ഷൂട്ടിംഗ് അവസാനഘട്ട ഷൂട്ടിംഗ് ലക്ഷദ്വീപില്‍. ലക്ഷദ്വീപിലെ മിനിക്കോയില്‍ നിന്നുള്ള സംവിധായകൻ പൃഥ്വിയുടെ ചിത്രങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്.

തിരുവനന്തപുരം, വാഗമണ്‍, വണ്ടിപ്പെരിയാര്‍, എറണാകുളം, ബംഗലൂരു, ദുബായ്, ലക്ഷദ്വീപ് ചിത്രീകരിച്ച സിനിമ വൻ മുതൽമുടക്കിലാണ് നി‍ർമ്മിക്കുന്നത്. മഞ്ജുവാര്യരാണ് ചിത്രത്തിലെ നായിക. 5000 ജൂനിയര്‍ ആര്‍ട്ടിസ്റ്റുകളുമായി ഒരു മാസ് രംഗം കഴിഞ്ഞ മാസം തിരുവനന്തപുരത്ത് നടന്നിരുന്നു. ലൂസിഫറില്‍ വില്ലനായി എത്തുന്നത് ബോളിവുഡ് നടന്‍ വിവേക് ഒബ്‌റോയിയാണ്. ടൊവിനോ തോമസ്, ഇന്ദ്രജിത്ത് തുടങ്ങിയവർ ചിത്രത്തിലുണ്ട്.

പൊളിറ്റിക്കല്‍ ത്രില്ലര്‍ വിഭാഗത്തില്‍ പെടുത്താവുന്ന സിനിമയുടെ തിരക്കഥ മുരളി ഗോപിയാണ്. ഛായാഗ്രഹണം സുജിത്ത് വാസുദേവും സംഗീതം ദീപക് ദേവുമാണ്.