മകളുടെ പിറന്നാള്‍ ആർഭാടമായി ആഘോഷിച്ച് അമൃത; കൈകൾ ബന്ധിക്കപ്പെട്ടിരിക്കുന്നെന്ന് ബാല

റിയാലിറ്റി ഷോയിലൂടെ ശ്രദ്ധേയയായി പിന്നണി ഗാനരംഗത്തും സജീവമായ ഗായികയാണ് അമൃത സുരേഷ്. പിന്നണി രംഗത്ത് സജീവമായിരുന്ന അമൃത സ്വന്തമായി മ്യൂസിക് ബാന്‍ഡും തുടങ്ങിയിരുന്നു. യാത്രകളും മറ്റും ചെയ്ത് വിവരണം നൽകുന്ന യൂട്യൂബ് ചാനലിലും അമൃത സജീവമായിരുന്നു. ഫോര്‍വേഡ് മാഗസിന്‍ നടത്തിയ ഫോട്ടോ ഷൂട്ടില്‍ മോഡലായെത്തിയതോടെ ഫാഷൻ രംഗത്തെ സാന്നിധ്യമായി മാറുകയായും ചെയ്തു അമൃത. തൻ്റെ വിശേഷങ്ങളെല്ലാം അമൃത ഇൻസ്റ്റാഗ്രാമിലൂടെ ഫോളോവേഴ്സിനെ അറിയിക്കാറുണ്ട്. അത്തരത്തിലാണ് മകളുടെ പിറന്നാളും അമൃത ആഘോഷമാക്കിയത്. മകളുടെ പിറന്നാൾ ആര്‍ഭാടമായി ആഘോഷമാക്കിയതിൻ്റെ ഒരു വീഡിയോ പങ്കുവെച്ചിരിക്കുകയാണ് അമൃതയിപ്പോൾ.

Also Read: 'ആ കുഞ്ഞിൻ്റെ ദുഖത്തിന് ഈ അമ്മയും അച്ഛനും എന്ത് മറുപടി നൽകും?': ആരാധകർ ചോദിക്കുന്നു


Also Read: മകൾക്കൊപ്പമുള്ള വീഡിയോ; വിമര്‍ശകര്‍ക്ക് മറുപടിയും പിന്തുണച്ചവ‍ര്‍ക്ക് നന്ദിയുമറിയിച്ച് നടൻ ബാല

അമൃത സുരേഷ് സംഗീത രംഗത്തും ഫാഷൻ രംഗത്തും വ്ളോഗിങ് രംഗത്തും സജീവമാണ്. വ്ളോഗുകളിൽ തൻ്റെ മകളാണ് ജീവനെന്ന് അമൃത ആവര്‍ത്തിച്ച് പറയാറുമുണ്ട്. മകൾക്കും അമ്മയെ പോലെ പാട്ടിനോടുള്ള താത്പര്യമുണ്ടെന്ന് വ്യക്തമാക്കുന്ന പോസ്റ്റുകളും അമൃത പങ്കുവെച്ചിരുന്നു. മകളുടെ പിറന്നാള്‍ ആഘോഷമാക്കിയതാണ് ഗായിക പങ്കുവെച്ചിരിക്കുന്ന ഏറ്റവും പുതിയ വിവരം. ആഘോഷത്തിൻ്റെ വീഡിയോയാണ് അമൃത ഇൻസ്റ്റാഗ്രാമിലൂടെ പങ്കുവെച്ചിരിക്കുന്നത്.


അതേസമയം, മകളുടെ പിറന്നാൾ ദിനത്തിൽ അച്ഛൻ നടൻ ബാല ഫേസ്ബുക്കിൽ കുറിച്ച വാക്കുകളും വൈറലായിരുന്നു. മകൾക്കൊപ്പമുള്ള ബാലയുടെ ചിത്രത്തിനൊപ്പം കുറിച്ചിരിക്കുന്നത് ഇങ്ങനെയാണ്. 'നമ്മള്‍ തമ്മിലുളള സ്നേഹം അനന്തമാണ് എന്നാണ് ഞാന്‍ വിശ്വസിക്കുന്നത്. ഒരു ദുഷ്ടശക്തിക്കും നമ്മളെ പിരിക്കാന്‍ സാധിക്കില്ല. ഒരുപാട് കാര്യങ്ങള്‍ പങ്കുവെയ്ക്കണം എന്നുണ്ട്. എന്നാല്‍ എന്‍റെ കൈകള്‍ ബന്ധിക്കപ്പെട്ടിരിക്കുകയാണ്. എന്‍റെ മാലാഖയ്ക്ക് എല്ലാ ആശംസകളും'.

നടൻ ബാലയുമായി വിവാഹബന്ധം വേര്‍പെടുത്തിയ ഗായികയുടെ ഒരു ഇൻസ്റ്റാഗ്രാം കുറിപ്പും അടുത്തിടെ വൈറലായിരുന്നു. 2010ലായിരുന്നു ബാലയുമായുള്ള വിവാഹം നടന്നത്. എന്നാൽ ആറുകൊല്ലത്തിന് ശേഷം വിവാഹ ബന്ധം ഇരുവരും വേര്‍പെടുത്തി. ഈ ബന്ധത്തിൽ ഇവര്‍ക്കൊരു മകളുണ്ട്. അമൃതയ്ക്കൊപ്പമാണ് മകളുള്ളത്.