ആരാധകന്റെ വാക്കുകളിലേക്ക്
ഡിസംബർ 2 , രാത്രി പന്ത്രണ്ട് മണി.ഒരു ഇൻഡസ്ട്രിയുടെയും അതിന്റെ പ്രേക്ഷകരുടെയും രണ്ട് വർഷത്തെ കാത്തിരിപ്പ് അവസാനിച്ച സമയം. മൂന്ന് മണിക്കൂറിനു ശേഷം സിനിമ കഴിഞ്ഞപ്പോൾ പ്രതീക്ഷിച്ചതിനു നേർ വിപരീതമാണ് സംഭവിച്ചത്. നെഗറ്റീവ് റിവ്യൂകളുടെ കുത്തൊഴുക്ക്.കട്ട ഫാൻസ് പോലും നിരാശരായിരിക്കുന്നു. ആകെ തകർന്ന് പോയ നിമിഷം.ഇന്ന് 10.30 ക്ക് സിനിമ കാണാൻ ഉള്ള സകല മൂഡും പോയി,അത്രയും വലുതായിരുന്നു തള്ളിപ്പറഞ്ഞവരുടെ വാക്കുകൾ. പ്രിയദർശൻ ചതിച്ചു,മോഹൻലാൽ ചതിച്ചു,ആന്റണി തിയറ്ററുകാരെ ചതിച്ചു എന്ന് തുടങ്ങി അലമുറകൾ. ഇതിനിടയിൽ ഒടിയനും മാമാങ്കവും ഇതിനേക്കാൾ ബേധമാണെന്ന് ചിലർ. എല്ലാവരുടെയും അഭിപ്രായങ്ങളെ മാനിക്കുന്നു. പക്ഷെ ഒടിയനും മാമാങ്കവും മരക്കാറിനെക്കാൾ ഇഷ്ടപ്പെട്ടു എന്ന് പറയുന്നവരോട്, ആ പറഞ്ഞവനെ ഇങ്ങു വിളി എന്ന് മാത്രമേ പറയാനുള്ളൂ. ഒരു ഗാപ് കിട്ടിയപ്പോൾ അർഹതയില്ലാത്ത രീതിയിൽ തരം താഴ്ത്തുന്നതായേ അതിനെ കാണാൻ സാധിക്കൂ.
കുറ്റങ്ങൾ ഉണ്ട് പക്ഷേ
പറഞ്ഞു വരുന്നത് , ഒരു ആവറേജ്/ബിലോ ആവറേജ് സിനിമ പ്രതീക്ഷിച്ചു തിയറ്ററിലേക്ക് പോയ എനിക്ക് കിട്ടിയത് ഒരു കിടിലൻ എക്സ്പീരിയൻസ് തന്നെ ആയിരുന്നു. ആദ്യത്തെ അരമണിക്കൂർ കഴിഞ്ഞാൽ ലാഗ് തുടങ്ങും എന്നൊക്കെ കേട്ടിരുന്നു. നല്ല രീതിയിൽ തന്നെ തുടങ്ങി,പ്രണവ് മോഹൻലാൽ സീനുകളൊക്കെ മികച്ചു നിന്നു. മോഹൻലാൽ ഇൻട്രോ ഒക്കെ കിടു ആയിരുന്നു. ഫ്രെയിംസ് മികച്ചതായിരുന്നു. വിഷ്വൽ എഫക്ട്സും.ഇന്റർവെൽ സീൻ കിടു ആയിരുന്നു. പിന്നെയും പേടി രണ്ടാം പകുതി ആയിരുന്നു.ഉറങ്ങിപ്പോയി എന്നൊക്കെ ഇന്നലെ ചിലർ പറഞ്ഞത് കേട്ടിരുന്നു.പക്ഷെ രണ്ടാം പകുതിയും ഒരു പോലെ ഇഷ്ടമായി. യുദ്ധസീനുകൾ കിടു ആയി തോന്നി. ക്ലൈമാക്സ് സീൻ ആണ് പഴ്സണലി ഏറ്റവും ഇഷ്ടമായ സീക്വൻസ്. ആ സമയത്തെ ബിജിഎം ഒക്കെ വേറെ ലെവൽ. കുറ്റങ്ങൾ ഇല്ലാത്ത പെർഫെക്റ്റ് മൂവി ആണിതെന്ന് ഞാൻ പറയുന്നില്ല. കുറ്റങ്ങൾ ഉണ്ട്. പ്രത്യേകിച്ച് എഡിറ്റിംഗ്.ഒരു അമേച്ചർ ഫീൽ ആയിരുന്നു.
പ്രത്യേകം അഭിനന്ദനം അർഹിക്കുന്നുണ്ട്
സീൻ ജമ്പ് ഒക്കെ ഫ്ളോ ഇല്ലാത്ത പോലെ തോന്നി.വല്ലാത്ത കല്ല് കടിയായിരുന്നു എഡിറ്റിംഗ് പിഴവുകൾ. പിന്നെ സിനിമയുമായി ഒരു ചേർച്ചയും തോന്നാത്ത രീതിയിൽ പാട്ടുകൾ. പിന്നെ ബിജിഎം ഒരു ഇമ്പാക്ട് തന്നില്ല.ട്രെയിലറിലെ ബിജിഎം കിടു ആയിരുന്നു. ഇന്റർവെൽ സീനിലും ക്ലൈമാക്സ് സീക്വൻസിലും സ്കോർ കിടു ആയിരുന്നു. ഒരു ബാഹുബലിയോ കെജീഎഫ് ഓ പ്രതീക്ഷിച്ചു പോയതാകാം പിഴച്ചു പോയത്. പ്രിയദർശനും മോഹൻലാലും ആവർത്തിച്ചു പറഞ്ഞ പോലെ ഒരു ഇമോഷണൽ ത്രില്ലർ എന്ന അനുഭവം തന്നെ എന്നിലെ പ്രേക്ഷകന് ലഭിച്ചു. കാസ്റ്റിംഗ് മലയാളത്തിന് പുറത്ത് നിന്ന് വന്ന് ചെയ്ത എല്ലാവരും പ്രത്യേകം അഭിനന്ദനം അർഹിക്കുന്നുണ്ട്. പ്രിയദർശൻ എന്ന ക്രാഫ്റ്റ്മാന്റെ മാക്സിമം ആണോ മരക്കാർ എന്ന് ചോദിച്ചാൽ ഒരിക്കലുമല്ല.
കണ്ട് നോക്കണം,പറയുന്നത്ര മോശമല്ല
കുറച്ചു കൂടെ ശ്രദ്ധിച്ചിരുന്നേൽ ഇനിയും മറ്റൊരു ലെവെലിലേക്ക് ഉയർത്താമായിരുന്നു. പക്ഷെ ഇപ്പോൾ സിനിമക്ക് ലഭിക്കുന്ന രീതിയിലുള്ള നെഗറ്റീവ് അഭിപ്രായങ്ങൾ അത് അർഹിക്കുന്നില്ല എന്ന് തോന്നിപ്പോയി സിനിമ കണ്ട് കഴിഞ്ഞപ്പോൾ. കുടുംബപ്രേക്ഷകർ സിനിമ ഏറ്റെടുക്കുമെന്ന് വിശ്വാസമുണ്ട്.
(ഹിസ്റ്റോറിക്കൽ അക്ക്യൂറസി എത്രത്തോളമുണ്ടെന്ന് എനിക്കറിയില്ല) പഴ്സണലി ഞാൻ സംതൃപ്തനാണ് ,വളരെയധികം സംതൃപ്തൻ.ഇന്നലെത്തെ നെഗറ്റീവ് റിവ്യൂസ് കണ്ടപ്പോൾ പലരും ടിക്കറ്റ് കാൻസൽ വരെ ചെയ്തത് കണ്ടു , ആമസോൺ പ്രൈമിൽ വരുമ്പോൾ കാണാം എന്നൊക്കെ പറഞ്ഞിട്ട്. ഒരിക്കലും അത് ചെയ്യരുത്. കണ്ട് നോക്കണം,പറയുന്നത്ര മോശമല്ല മരക്കാർ. ഒരു പക്ഷെ എന്നെപ്പോലെ നന്നായി ഇഷ്ടപ്പെട്ടാലോ.