ഡിജിറ്റല്‍ സ്പേസ് വലിയ സാധ്യത
സിനിമകള്‍ വളര്‍ന്നു കൊണ്ടേയിരിക്കും. സിനിമയുടെ മാര്‍ക്കറ്റ് വളരും. പോകെ പോകെ ഡിജിറ്റല്‍ സ്പേസ് വലിയ സാധ്യതയായി മാറും. അങ്ങനെ വരുമ്പോള്‍ അതൊരു സ്വതന്ത്ര്യ മാര്‍ക്കറ്റായി രൂപം കൊള്ളുമെന്നുമായിരുന്നു പൃഥ്വിരാജ് പറഞ്ഞത്. മനോരമ ഓണ്‍ലെെനിന് നല്‍കിയ അഭിമുഖത്തിലായിരുന്നു അദ്ദേഹം മനസ് തുറന്നത്.
Also Read: ജീവിതം വീണ്ടെടുത്തിട്ട് പോരെ സിനിമ? വിവാദത്തില്‍ പ്രതികരണവുമായി ലിജോ ജോസ് പെല്ലിശ്ശേരി
താഴ്ത്തിക്കെട്ടി കാണേണ്ട കാര്യമില്ല
ഭാവിയില്‍ ഡിജിറ്റല്‍ പ്ലാറ്റ്ഫോമുകള്‍ക്ക് വേണ്ടി മാത്രമായി സിനിമകള്‍ നിര്‍ക്കും. തീയേറ്റര്‍ റിലീസ് ഇല്ലാതെ ഡിജിറ്റല്‍ പ്രീമിയര്‍ മാത്രമാകുമെന്നും അദ്ദേഹം പറഞ്ഞിരുന്നു. അങ്ങനൊരു കാലം വരുമ്പോള്‍ അതിനെ താഴ്ത്തിക്കെട്ടി കാണേണ്ട കാര്യമില്ലെന്നും അദ്ദേഹം അഭിപ്രായപ്പെട്ടിരുന്നു.
സിനിമയുടെ ലക്ഷ്യം
സിനിമയുടെ ലക്ഷ്യം ജനങ്ങളിലേക്ക് എത്തുക എന്നതാണ്. തീയേറ്ററില്‍ വലിയ സ്ക്രീനില്‍ കാണേണ്ട സിനിമയാണെന്ന് തോന്നിപ്പിക്കാന്‍ കഴിയുന്ന സിനിമകള്‍ക്ക് മാത്രമാണ് തീയേറ്ററല്‍ റണ്ണിന്റെ പ്രസക്തിയുണ്ടാവുകയെന്നും പൃഥ്വി പറഞ്ഞിരുന്നു.
ഐറിഷ്മാന്‍ ഉദാഹരണം
സിനിമകള്‍ തീയേറ്ററിലാണ് കാണേണ്ടത് എന്നു പറഞ്ഞ മാര്‍ട്ടിന്‍ സ്കോര്‍സെസി പറഞ്ഞിരുന്നു. എന്നാല്‍ അദ്ദേഹത്തിന്റെ ഏറ്റവും പുതിയ സിനിമയായ ഐറിഷ്മാന്‍ ഒരുക്കിയത് നെറ്റ്ഫ്ലിക്സിന് വേണ്ടിയാണെന്നും പൃഥ്വി ഓര്‍മ്മിപ്പിക്കുന്നു.
Also Read: ഇങ്ങനെ അടുത്തിരുന്നിട്ട്, പൊട്ടിച്ചിരിച്ചിട്ട് 77 ദിവസങ്ങളായി; സുപ്രിയ പറയുന്നു
മലയാള സിനിമയും മാറും
നാളെ ഒരു സിനിമ തീയേറ്ററിലല്ല ഡിജിറ്റല്‍ പ്ലാറ്റ്ഫോമിലാണ് റിലീസ് ചെയ്യുന്നത് എന്നു പറഞ്ഞാല്‍ അതൊരു അണ്ടര്‍ അച്ചീവ്മെന്റായി കാണേണ്ടതില്ലെന്നും അങ്ങനൊരു തലത്തിലേക്ക് മലയാള സിനിമയും എത്തുമെന്നും അദ്ദേഹം അഭിപ്രായപ്പെട്ടിരുന്നു. താരത്തിന്റെ വാക്കുകള്‍ വീണ്ടും സോഷ്യല്‍ മീഡിയയില്‍ ശ്രദ്ധിക്കപ്പെടുകയാണ്.