ബാലചന്ദമേനോൻ ചിത്രം 'എന്നാലും ശരതി'ലെ ആദ്യ ഗാനം

സംവിധായകനും നടനുമായ ബാലചന്ദ്ര മേനോന്‍ സംവിധാനം ചെയ്യുന്ന പുതിയ ചിത്രം 'എന്നാലും ശരത്'ലെ ആദ്യ ഗാനം പുറത്തിറങ്ങി. നിരഞ്ജ് സുരേഷും റിമി ടോമിയും ചേര്‍ന്നാണ് ശശിയാണേ എന്ന് തുടങ്ങുന്ന ഗാനം ആലപിച്ചിരിക്കുന്നത്. ഹരിനാരായണന്‍ ബികെയുടെ വരികള്‍ക്ക് ഔസേപ്പച്ചന്‍ സംഗീതം നല്‍കിയിരിക്കുന്നു.



ക്യാമ്പസ് പശ്ചാത്തലത്തില്‍ കഥ പറയുന്ന ചിത്രത്തിൽ പുതുമുഖങ്ങളായ ചാര്‍ളി ജോ, നിധി അരുണ്‍, നിത്യാ നാരേഷ് എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്നു. ജോഷി മാത്യു, മേജര്‍ രവി, ജോയ് മാത്യു, വിജി തമ്പി, ലാല്‍ജോസ്, എ കെ സാജന്‍, ദിലീഷ് പോത്തന്‍, ജൂഡാ ആന്‍റണി ജോസഫ്, സിദ്ധാര്‍ത്ഥ ശിവ എന്നിവരാണ് ചിത്രത്തിലെ മറ്റു താരങ്ങള്‍. കേരളത്തില്‍ ഈ അടുത്ത് നടന്ന സംഭവങ്ങളാണ് ചിത്രത്തിന്‍റെ പ്രമേയമാകുന്നത്. കൃഷ്ണകലാ ക്രിയേഷന്‍സിന്‍റെ ബാനറില്‍ ആര്‍ ഹരികുമാറാണ് ചിത്രം നിര്‍മ്മിക്കുന്നത്.