ട്രെയിലറിന് പകരം അപ്‌ലോഡ് ചെയ്‌തത്‌ സിനിമ; അബദ്ധം പറ്റി നിർമാതാക്കൾ

യൂട്യൂബിൽ ട്രെയിലറിന് പകരം നിർമാതാക്കൾ അപ്‌ലോഡ് ചെയ്തത് മുഴുവൻ സിനിമ. പ്രശസ്ത സിനിമ നിർമാതാക്കളായ സോണി പിക്ച്ചേർസിനാണ് ഈ അബദ്ധം പറ്റിയത്. ജൂലൈ മൂന്നിനാണ് സംഭവം.

ഖാലി ദ് കില്ലര്‍ എന്ന സിനിമയാണ് യു ട്യൂബിൽ അപ്‌ലോഡ് ചെയ്തത്. അപ്‌ലോഡ് ചെയ്ത ഉടൻ തന്നെ വീഡിയോ വൈറലാവുകയും ചെയ്തു. റെഡ് ബാന്‍ഡ് ട്രെയിലറിന് പകരമായിട്ടായിരുന്നു മുഴുവൻ സിനിമയും അപ്‌ലോഡ് ചെയ്തത്. 89 മിനിറ്റ് 46 സെക്കന്‍ഡ് ദൈർഘ്യമുള്ള വീഡിയോ ഏതാണ്ട് എട്ടുമണിക്കൂറോളം ഇന്‍റര്‍നെറ്റില്‍ ലഭ്യമായിരുന്നു.

മാധ്യമങ്ങള്‍ റിപ്പോര്‍ട്ട് ചെയ്തതിനുശേഷമാണ് ഇക്കാര്യം സോണി പിക്‌ച്ചേര്‍സിന്‍റെ ശ്രദ്ധയിൽപ്പെട്ടത്. തുടർന്ന് സിനിമ നീക്കം ചെയ്യുകയും ചെയ്തു. ജോണ്‍ മാത്യൂസ് ആണ് ചിത്രത്തിന്‍റെ സംവിധായകൻ. അടുത്തമാസമായിരുന്നു ചിത്രത്തിന്‍റെ റിലീസ്.