നമിത ഇനി നിര്‍മ്മാതാവിന്‍റെ റോളിൽ; ആദ്യ ചിത്രം 4 ഭാഷകളിൽ

തെന്നിന്ത്യയിലെ ശ്രദ്ധേയ താരം നമിത ചലച്ചിത്ര നിര്‍മ്മാണ രംഗത്തേക്ക് എത്തുന്നു. മലയാളം ഉള്‍പ്പെടെ നാല് ഭാഷകളിലായി നിര്‍മ്മിക്കുന്ന ചിത്രം ആര്‍ എല്‍ രവി, മാത്യു സ്ക്കറിയ എന്നിവര്‍ ചേര്‍ന്ന് തിരക്കഥയെഴുതി സംവിധാനം ചെയ്യുന്നതാണ്. എസ് നാഥ് ഫിലിംസ്, നമിതാസ് പ്രൊഡക്ഷന്‍സ് എന്നിവയുടെ ബാനറില്‍ നമിത, സുബാഷ് എസ് നാഥ്, എന്നിവര്‍ ചേര്‍ന്ന് നിര്‍മ്മിക്കുന്ന ഈ ചിത്രത്തില്‍ നമിത തന്നെയാണ് കേന്ദ്ര കഥാപാത്രത്തെ അവതരിപ്പിക്കുന്നത്.

Also Read: ''ആലായാൽത്തറ വേണം', ഈ വരികൾക്ക് നൂറ്റാണ്ടുകളുടെ പഴക്കം, ഇത്‌ അച്ഛൻ എഴുതിയതല്ല, കണ്ടെത്തുകയായിരുന്നു'; മറുപടിയുമായി കാവാലം ശ്രീകുമാർ!

ഒക്ടോബര്‍ 26 വിജയദശമി ദിവസം രാവിലെ 9.30 ന്‌ തിരുവനന്തപുരം ചിത്രാഞ്ജലി സ്റ്റുഡിയോവില്‍ വെച്ച് ചിത്രത്തിന്‍റെ ടെെറ്റില്‍ ലോഞ്ചും സ്വിച്ച് ഓൺ കര്‍മ്മവും നിര്‍വ്വഹിക്കുന്നതാണ് . വാര്‍ത്ത പ്രചരണം എ എസ് ദിനേശ് നിര്‍വ്വഹിക്കുന്നു.

പി എസ് ക്യഷ്‌ണ ഛായാഗ്രഹണം നിര്‍വ്വഹിക്കുന്നു. മുരുകൻ മന്ദിരത്തിൻ്റെ വരികള്‍ക്ക് റെജി മോൻ സംഗീതം പകരുന്നു. എഡിറ്റര്‍ അനന്തു എസ് വിജയന്‍, കല അനില്‍ കുമ്പഴ, ആക്ഷൻ ഫയര്‍ കാര്‍ത്തിക് എന്നിവ്‍ നിര്‍വ്വഹിക്കുന്നു.

Also Read: സംഗീത നൃത്ത വാദ്യ സമന്വയമായ് ഒരു സംഗീത വിരുന്ന്; ശ്രദ്ധ നേടി 'സരസ്വതി'

2002-ൽ ടോളിവുഡ് സിനിമകളിലൂടെ അരങ്ങേറിയ നമിത മഹാനടികൻ എന്ന തമിഴ് സിനിമയിലൂടെയാണ് കോളിവുഡിൽ ഏറെ ശ്രദ്ധേയയായത്. ലൗ കെ ചക്കാർ മേ എന്ന സിനിമയിലൂടെ ബോളിവുഡിലും അരങ്ങേറി. കാമസൂത്ര നൈറ്റ്സിലൂടെ ഹോളിവുഡിലും ശ്രദ്ധ നേടിയിട്ടുണ്ട് നമിത. മലയാളത്തിൽ ബ്ലാക്ക് സ്റ്റാലിയൺ ആണ് ആദ്യ ചിത്രം. കന്നഡയിലും സജീവമായിരുന്നു. മിയ എന്ന സിനിമയിലാണ് താരം ഒടുവിലായി അഭിനയിച്ചിട്ടുള്ളത്. ചിത്രം കൊവിഡ് പ്രതിസന്ധിമൂലം റിലീസ് നീണ്ടുപോയിരിക്കുകയാണ്. അമ്പതോളം സിനിമകളുടെ ഭാഗമായിട്ടുള്ള താരം നിര്‍മ്മാതാവ് വീരേന്ദ്ര ചൗധരിയുമായി 2017ൽ വിവാഹിതയായി.

Also Watch :