'സ്ഫടികം 2' വരുന്നു; സംവിധായകനെതിരെ ട്രോള്‍ മഴ

മോഹൻലാല്‍-ഭദ്രൻ ടീമിന്‍റെ മെഗാ ഹിറ്റായ സ്ഫടികത്തിന്റെ രണ്ടാം ഭാഗം വരുന്നു . 'യുവേർസ് ലൗ വിംഗ് ലി' എന്ന ചിത്രത്തിന് ശേഷം ബിജു ജെ കട്ടക്കൽ ആണ് സ്ഫടികം 2 തിരക്കഥ എഴുതി സംവിധാനം ചെയ്യുന്നത്. മലയാളത്തിലെ യുവ സൂപ്പർ താരം നായകനാകുന്നതാണ് ചിത്രമെന്നാണ് സംവിധായകൻ ഫേസ്ബുക്കിലൂടെ അറിയിച്ചിരിക്കുന്നത്. ബിജു ജെ കട്ടക്കൽ പ്രൊഡക്ഷൻസ് ഹോളിവുഡ് കമ്പനിയായ മൊമന്റം പിക്ച്ചർസുമായി ചേർന്ന് റ്റിന്റു അന്ന കട്ടക്കൽ ആണ് ചിത്രം നിർമിക്കുന്നത് എന്നാണ് അറിയുന്നത്.



ആട് തോമയുടെ മകൻ ഇരുമ്പൻ സണ്ണിയുടെ കഥയാണ് പുതിയ ചിത്രത്തിലൂടെ പറയുന്നത്. കൂടാതെ സിൽക്ക് സ്മിതയുടെയുടെ കഥാപാത്രമായ ലൈലയുടെ മകളുടെ വേഷത്തില്‍ സണ്ണി ലിയോൺ എത്തുന്നതാണെന്നും അണിയറപ്രവർത്തകർ അറിയിച്ചിട്ടുണ്ട്.

അതെ സമയം ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങിയയുടനെ തന്നെ മോഹൻലാൽ ആരാധകര്‍ സംവിധായകെനെതിരെ തെറി വിളികളുമായി രംഗത്ത് എത്തിയിരിക്കുകയാണ്. മോഹൻലാൽ അനശ്വരമാക്കിയ പഴയെ ആട് തോമയെ രണ്ടാം ഭാഗം എടുത്ത് നശിപ്പിക്കല്ലേയെന്ന് പറഞ്ഞാണ് ആരാധകർ ഫസ്റ്റ് ലുക്ക് പോസ്റ്ററിന് താഴെ കമന്‍റുകളുമായെത്തിയിരിക്കുന്നത്. ചിത്രത്തിന്റെ പോസ്റ്ററിന്റെ മികവിനെയും ആരാധകർ ചോദ്യം ചെയ്തിരിക്കുകയാണ്.