സിനിമാലോകത്ത് രാശി ഏറെ പ്രധാനമുള്ള കാര്യമാണ്. പ്രഖ്യാപനത്തിനായാലും മറ്റ് കാര്യങ്ങളിലായാലും രാശിയും നല്ല സമയവുമൊക്കെ നോക്കാറുണ്ട് പലരും. സിനിമയുടെ പൂജ ചടങ്ങ് ഏറെ വിശേഷപ്പെട്ടതുമാണ്. റിലീസ് തീയതി പ്രഖ്യാപിക്കുമ്പോള്‍ ഭാഗ്യദിനമാണോയെന്ന് പരിശോധിക്കുന്നവരുമുണ്ട്. ചിത്രീകരണം പൂര്‍ത്തിയാക്കി, മറ്റ് ജോലികളെല്ലാം കഴിഞ്ഞിട്ടും പെട്ടിയിലായിപ്പോയ സിനിമകളേറെയുണ്ട്.
മുകേഷിനെ നായകനാക്കി നവാഗതനായ ദീപക് സംവിധാനം ചെയ്ത സിനിമയായിരുന്നു കളരി വിക്രമന്‍. ചിത്രത്തിന്റെ പോസ്റ്ററും വിശേഷങ്ങളുമെല്ലാം സിനിമാ മാസികളില്‍ വരെ വന്നെങ്കിലും ചിത്രത്തിന് വെളിച്ചം കാണാനുള്ള ഭാഗ്യമുണ്ടായിരുന്നില്ല. സാമ്പത്തിക പ്രതിസന്ധിയാണ് സിനിമയ്ക്ക് തിരിച്ചടിയായതെന്നായിരുന്നു അന്നത്തെ വിലയിരുത്തലുകള്‍.
പൃഥ്വിരാജ് നായകനായെത്തിയ ചക്രം പ്രേക്ഷകര്‍ക്ക് പരിചിതമായ ചിത്രമാണ്. എന്നാല്‍ ഈ ചക്രമായിരുന്നില്ല ആദ്യം പ്ലാന്‍ ചെയ്തിരുന്നത്. വിദ്യ ബാലനേയും മോഹന്‍ലാലിനേയും ദിലീപിനേയും പ്രധാന കഥാപാത്രങ്ങളാക്കി കമല്‍ സംവിധാനം ചെയ്യാനിരുന്ന ചിത്രമായിരുന്നു ചക്രം. പ്രഖ്യാപനമൊക്കെ കഴിഞ്ഞെങ്കിലും സാങ്കേതിക കാരണങ്ങളാല്‍ ചിത്രം പാതിവഴിയില്‍ ഉപേക്ഷിക്കേണ്ടി വരികയായിരുന്നു. കഥയും കഥാപാത്രങ്ങളും മാറി ലോഹിതദാസ് ചക്രവുമായെത്തുകയായിരുന്നു പിന്നീട്. പൃഥ്വിരാജും മീര ജാസ്മിനുമായിരുന്നു ചിത്രത്തില്‍ നായികനായകന്‍മാരായെത്തിയത്.
പ്രിയദര്‍ശന്‍ മോഹന്‍ലാല്‍ കൂട്ടുകെട്ടില്‍ പുറത്തിറങ്ങാനിരുന്ന സിനിമയായിരുന്നു ധനുഷ്കോടി. ടി ദാമോദരനായിരുന്നു ചിത്രത്തിന് തിരക്കഥയൊരുക്കിയത്. 60 ശതമാനത്തോളം ഭാഗം ചിത്രീകരിച്ചുവെങ്കിലും പിന്നീട് സിനിമ മുടങ്ങിപ്പോവുകയായിരുന്നു. ശ്രീനിവാസനും ചിത്രത്തില്‍ സുപ്രധാനമായ വേഷമുണ്ടായിരുന്നു. ധനുഷ്‌കോടിയിലും ശ്രീലങ്കയിലുമായാണ് സിനിമയുടെ ചിത്രീകരണം നടത്തിയത്.
മോഹന്‍ലാലിനേയും ശിവാജി ഗണേശനേയും അണിനിരത്തി രാജീവ് നാഥ് സംവിധാനം ചെയ്ത സിനിമയായിരുന്നു സ്വര്‍ണച്ചാമരം. ഏറെ പ്രതീക്ഷകളോടെ കാത്തിരുന്ന ചിത്രമായിരുന്നുവെങ്കിലും ചിത്രം വെളിച്ചം കണ്ടിരുന്നില്ല. സാങ്കേതികമായ കാരണങ്ങളാല്‍ ഉപേക്ഷിക്കുന്നു എന്നായിരുന്നു അണിയറപ്രവര്‍ത്തകരുടെ വിശദീകരണം. മോഹന്‍ലാലും ശിവാജി ഗണേശനും നല്‍കിയ ഡേറ്റ് പ്രതാപ് പോത്തന്‍ ബുദ്ധിപരമായി വിനിയോഗിച്ചാണ് ഒരു യാത്രാമൊഴി ഒരുക്കിയത്.
മോഹന്‍ലാലിനെ നായകനാക്കി അനില്‍ വക്കം സംവിധാനം ചെയ്ത ബ്രഹ്‌മദത്തന്‍, ശങ്കര്‍ മോഹന്‍ലാല്‍ കൂട്ടുകെട്ടിലെ ഓസ്‌ട്രേലിയ, മോഹന്‍ലാല്‍ നായകനായെത്താനിരുന്ന സ്വപ്‌നമാളിക തുടങ്ങിയ സിനിമകളും പാതിവഴിയില്‍ ഉപേക്ഷിക്കുകയായിരുന്നു.
മുകേഷിനെ നായകനാക്കി നവാഗതനായ ദീപക് സംവിധാനം ചെയ്ത സിനിമയായിരുന്നു കളരി വിക്രമന്‍. ചിത്രത്തിന്റെ പോസ്റ്ററും വിശേഷങ്ങളുമെല്ലാം സിനിമാ മാസികളില്‍ വരെ വന്നെങ്കിലും ചിത്രത്തിന് വെളിച്ചം കാണാനുള്ള ഭാഗ്യമുണ്ടായിരുന്നില്ല. സാമ്പത്തിക പ്രതിസന്ധിയാണ് സിനിമയ്ക്ക് തിരിച്ചടിയായതെന്നായിരുന്നു അന്നത്തെ വിലയിരുത്തലുകള്‍.
പൃഥ്വിരാജ് നായകനായെത്തിയ ചക്രം പ്രേക്ഷകര്‍ക്ക് പരിചിതമായ ചിത്രമാണ്. എന്നാല്‍ ഈ ചക്രമായിരുന്നില്ല ആദ്യം പ്ലാന്‍ ചെയ്തിരുന്നത്. വിദ്യ ബാലനേയും മോഹന്‍ലാലിനേയും ദിലീപിനേയും പ്രധാന കഥാപാത്രങ്ങളാക്കി കമല്‍ സംവിധാനം ചെയ്യാനിരുന്ന ചിത്രമായിരുന്നു ചക്രം. പ്രഖ്യാപനമൊക്കെ കഴിഞ്ഞെങ്കിലും സാങ്കേതിക കാരണങ്ങളാല്‍ ചിത്രം പാതിവഴിയില്‍ ഉപേക്ഷിക്കേണ്ടി വരികയായിരുന്നു. കഥയും കഥാപാത്രങ്ങളും മാറി ലോഹിതദാസ് ചക്രവുമായെത്തുകയായിരുന്നു പിന്നീട്. പൃഥ്വിരാജും മീര ജാസ്മിനുമായിരുന്നു ചിത്രത്തില്‍ നായികനായകന്‍മാരായെത്തിയത്.
പാതിവഴിയിലുപേക്ഷിച്ച സിനിമകളേറെയുണ്ട് മലയാളത്തിൽ
പ്രിയദര്‍ശന്‍ മോഹന്‍ലാല്‍ കൂട്ടുകെട്ടില്‍ പുറത്തിറങ്ങാനിരുന്ന സിനിമയായിരുന്നു ധനുഷ്കോടി. ടി ദാമോദരനായിരുന്നു ചിത്രത്തിന് തിരക്കഥയൊരുക്കിയത്. 60 ശതമാനത്തോളം ഭാഗം ചിത്രീകരിച്ചുവെങ്കിലും പിന്നീട് സിനിമ മുടങ്ങിപ്പോവുകയായിരുന്നു. ശ്രീനിവാസനും ചിത്രത്തില്‍ സുപ്രധാനമായ വേഷമുണ്ടായിരുന്നു. ധനുഷ്‌കോടിയിലും ശ്രീലങ്കയിലുമായാണ് സിനിമയുടെ ചിത്രീകരണം നടത്തിയത്.
മോഹന്‍ലാലിനേയും ശിവാജി ഗണേശനേയും അണിനിരത്തി രാജീവ് നാഥ് സംവിധാനം ചെയ്ത സിനിമയായിരുന്നു സ്വര്‍ണച്ചാമരം. ഏറെ പ്രതീക്ഷകളോടെ കാത്തിരുന്ന ചിത്രമായിരുന്നുവെങ്കിലും ചിത്രം വെളിച്ചം കണ്ടിരുന്നില്ല. സാങ്കേതികമായ കാരണങ്ങളാല്‍ ഉപേക്ഷിക്കുന്നു എന്നായിരുന്നു അണിയറപ്രവര്‍ത്തകരുടെ വിശദീകരണം. മോഹന്‍ലാലും ശിവാജി ഗണേശനും നല്‍കിയ ഡേറ്റ് പ്രതാപ് പോത്തന്‍ ബുദ്ധിപരമായി വിനിയോഗിച്ചാണ് ഒരു യാത്രാമൊഴി ഒരുക്കിയത്.
മോഹന്‍ലാലിനെ നായകനാക്കി അനില്‍ വക്കം സംവിധാനം ചെയ്ത ബ്രഹ്‌മദത്തന്‍, ശങ്കര്‍ മോഹന്‍ലാല്‍ കൂട്ടുകെട്ടിലെ ഓസ്‌ട്രേലിയ, മോഹന്‍ലാല്‍ നായകനായെത്താനിരുന്ന സ്വപ്‌നമാളിക തുടങ്ങിയ സിനിമകളും പാതിവഴിയില്‍ ഉപേക്ഷിക്കുകയായിരുന്നു.
