Also Read: അതുക്കും മേലെയുള്ള ഭാവങ്ങളാണ് തെന്നൽ തന്നത്! ആ ഡാൻസ് കവറിന് പിന്നിൽ
രാം കുമാര്‍ നല്‍കിയ മറുപടി
സോഷ്യല്‍ മീഡിയയിലൂടെ ചിത്രത്തിലെ നായകന്‍ വിഷ്ണു വിശാല്‍ നടത്തിയ അഭ്യര്‍ത്ഥനയും അതിന് ചിത്രത്തിന്റെ സംവിധായകന്‍ രാം കുമാര്‍ നല്‍കിയ മറുപടിയുമാണ് ചര്‍ച്ചകള്‍ക്ക് തുടക്കം കുറിച്ചിരിക്കുന്നത്. സ്ഥിരീകരണമൊന്നും ലഭിച്ചില്ലെങ്കിലും നടന്റേയും സംവിധായകന്റേയും വാക്കുകള്‍ ആരാധകര്‍ക്ക് ആഘോഷിക്കാനുള്ള വക നല്‍കുന്നുണ്ട്.
രാക്ഷസന് ഒന്നാമത്
കഴിഞ്ഞ ദിവസം രാക്ഷസന് ഐഎംഡിബിയില്‍ തമിഴ് സിനിമകളുടെ പട്ടികയില്‍ ഒന്നാമത് എത്തിയിരുന്നു. ഇന്ത്യന്‍ സിനിമകളുടെ പട്ടികയില്‍ മൂന്നാമതുമെത്തി രാക്ഷസന്. ഈ സന്തോഷം പങ്കുവെച്ചു കൊണ്ട് ചിത്രത്തിന്റെ അണിയറ പ്രവര്‍ത്തകര്‍ ട്വീറ്റ് ചെയ്തിരുന്നു. ഇതോടെയാണ് രണ്ടാം ഭാഗം വേണമെന്ന ആവശ്യവുമായി ആരാധകരുമെത്തിയത്.
തിരക്കഥ തയ്യാറായോ?
ആരാധകരിലൊരാളുടെ ട്വീറ്റിന് മറുപടി നല്‍കുകയായിരുന്നു വിഷ്ണു. ചിത്രത്തിന് രണ്ടാം ഭാഗമുണ്ടാക്കാനുള്ള തിരക്കഥ തയ്യാറായോ എന്ന് സംവിധായകന്‍ റാം കുമാറിനോടായി വിഷ്ണു ചോദിക്കുകയായിരുന്നു. പിന്നാലെ മറുപടിയുമായി റാം കുമാര്‍ എത്തി. നടന്നു കൊണ്ടിരിക്കുകയാണെന്നായിരുന്നു സംവിധായകന്റെ മറുപടി.
Also Read: തട്ടുപൊളിപ്പൻ ഡാൻസ് നമ്പരുമായി 'അഹാദിഷിക'; വൈറലായി കൃഷ്ണ സഹോദരിമാരുടെ വീഡിയോ!
ഏറ്റവും മികച്ച ത്രില്ലറുകളിലൊന്ന്
റാം കുമാര്‍ സംവിധാനം ചെയ്ത ചിത്രത്തില്‍ വിഷ്ണു വിശാലും അമല പോളുമായിരുന്നു പ്രധാന വേഷങ്ങളിലെത്തിയത്. ജിബ്രാന്റേതായിരുന്നു സംഗീതം. പിവി ശങ്കറാണ് ക്യാമറ കെെകാര്യം ചെയ്തത്. ചിത്രം സമീപകാലത്തെ ഏറ്റവും മികച്ച ത്രില്ലറുകളിലൊന്നായാണ് വിലയിരുത്തപ്പെടുന്നത്.