'സ്ഫടികം' സ്റ്റൈലിൽ ഭദ്രന്‍റെ മകന്‍റെ വിവാഹം

ആടുതോമായെന്ന മോഹന്‍ലാലിന്റെ കഥാപാത്രത്തെ സൃഷ്ടിച്ച ഹിറ്റ് സംവിധായകന്‍ ഭദ്രന്‍റെ മകന്‍റെ വിവാഹവും സ്ഫടികം സ്റ്റൈലിൽ. സ്ഫടികം ലോറി വര്‍ഷങ്ങള്‍ക്കുശേഷം ഒരിക്കല്‍ക്കൂടി കഥാപാത്രമാകുകയായിരുന്നു ഈ വിവാഹത്തിൽ. ഭദ്രന്‍ മാട്ടേലിന്റെ മകന്‍ ജെറി ഭദ്രന്റെയും എറണാകുളം കമ്പക്കാലുങ്കല്‍ ഏബ്രഹാമിന്റെ മകള്‍ സൈറയുടെയും ഇന്നലെ നടന്ന വിവാഹത്തിലാണ് സ്ഫടികം സിനിമയിലെ ലോറി കഥാപാത്രമായത്.

ഇന്നലെ ഉച്ചകഴിഞ്ഞ് പാലാ കത്തീഡ്രലില്‍ നടന്ന വിവാഹത്തിനുശേഷം പാലാ സെന്റ് തോമസ് കോളജ് സ്പോര്‍ട്സ് കോംപ്ലക്സ് ഓഡിറ്റോറിയത്തില്‍ നടന്ന റിസപ്ഷനില്‍ പങ്കെടുക്കാന്‍ വധൂവരന്മാര്‍ എത്തിയത് സ്ഫടികം സിനിമയിലെ അതേ ടാറ്റ 1210 എസ്.ഇ. ലോറിയിലാണ്. ചിത്രത്തിന്റെ രജത ജൂബിലിയും മകന്റെ വിവാഹവും ഒരൊറ്റ ദിവസമാണ് ഭദ്രന്‍ ആഘോഷിച്ചത്. ബെംഗളൂരുവില്‍ എഞ്ചിനീയര്‍മാരാണ് ജെറി മാട്ടേലും എറണാകുളം സ്വദേശിയായ സാറയും.