ബോണി കപൂർ ചിത്രത്തിൽ ശ്രീദേവി നായിക

ഭ‍ർത്താവ് ബോണി കപൂ‍ർ നിർമിക്കുന്ന സ്ത്രീ കേന്ദ്രീകൃത ചിത്രത്തിൽ നായികാ വേഷത്തിൽ ശ്രീദേവി എത്തുന്നു. മോം എന്ന് പേരിട്ട ചിത്രത്തിലൂടെ ശ്രീദേവിയും നവാസുദ്ദീൻ സിദ്ദിഖിയും ആദ്യമായി വെള്ളിത്തിരയിൽ ഒന്നിക്കുന്നു എന്ന പ്രത്യേകതയുമുണ്ട്. വളരെ അപൂർമായ തിരക്കഥയാണ് ചിത്രത്തിന്‍റേതെന്നും ഇപ്പോൾ കൂടുതൽ വിശദാംശങ്ങളൊന്നും പുറത്ത് വിടാൻ പറ്റില്ലെന്നും ചിത്രത്തിന്‍റെ പ്രതിനിധികളിൽ ഒരാൾ പറഞ്ഞു. രവി ഉദ്യാവറാണ് ചിത്രം സംവിധാനം ചെയ്യുക. അടുത്തമാസം ചിത്രീകരണം ആരംഭിക്കും.

ബോളിവുഡിന്‍റെ എക്കാലത്തെയും പ്രിയപ്പെട്ട നടികളിൽ ഒരാളാണ് ശ്രീദേവി. മികച്ച ഹിറ്റുകൾ സമ്മാനിച്ച ശ്രീദേവി ബോണി കപൂറുമായുള്ള വിവാഹത്തോടെ സിനിമാരംഗം വിടുകയായിരുന്നു. ഇടവേളക്ക് ശേഷം 2012ൽ ശ്രീദേവി തിരിച്ചെത്തിയ ഇംഗ്ലീഷ് വിംഗ്ലീഷ് എന്ന ചിത്രവും സ്ത്രീകേന്ദ്രീകൃത പ്രമേയമായിരുന്നു. ബോളിവുഡിൽ ചിത്രം വൻവിജയമായിരുന്നു.