'കമ്മട്ടിപാട'ത്തിൽ ശബ്ദമായി സ്രിന്ദ കസറി

രാജീവ് രവി ചിത്രം "കമ്മട്ടിപാടം" മികച്ച പ്രതികരണങ്ങൾ നേടി മുന്നേറുകയാണ്..ദുല്കരും വിനായകനും മണികണ്ഠനും എല്ലാവരും തങ്ങളുടെ മികച്ച പ്രകടനങ്ങൾക്കുള്ള പ്രശംസ ഏറ്റു വാങ്ങുമ്പോൾ അതോടൊപ്പം എല്ലാവരും ശ്രദ്ധിച്ച ഒരു താരം ആണ് ചിത്രത്തിലെ നായിക ആയ അനിതയായി വന്ന "ഷോൺ റോമി". ഷോൺ റോമിയുടെ അഭിനയത്തോടൊപ്പം സംഭാഷണ ശൈലിയും വളരെ ശ്രദ്ധ നേടി..എന്നാൽ അതിനുള്ള കയ്യടി കൊടുക്കേണ്ടത് മറ്റാർക്കും അല്ല..മലയാളികളുടെ പ്രീയപെട്ട നടി "സ്രിന്ദ" ക്ക് ആണ്.

1983 യിലെ സച്ചിനെ അറിയാത്ത പെൺകുട്ടി ആയാണ് സ്രിന്ദ കേരളം കീഴടക്കിയത് എങ്കിലും രാജീവ്‌ രവി ചിത്രം ആയ അന്നയും റസൂലും എന്ന ചിത്രത്തിലെ വേഷം സ്രിന്ദയെ ശ്രദ്ധേയ ആക്കിയിരുന്നു.. ഇപ്പോൾ കമ്മട്ടിപാടം എന്ന ഈ ചിത്രത്തിൽ നായിക ആയ ഷോൺ റോമിക്ക് ശബ്ദം നല്കിയിരിക്കുന്നത് സ്രിന്ദ ആണ്..ആ കഥാപാത്രത്തെ പ്രേക്ഷകന്റെ ഹൃദയത്തിൽ വരച്ചിടുന്നതിൽ ആ സംഭാഷണ ശൈലി വഹിച്ച പങ്ക് വലുതാണ്..കൊച്ചി ശൈലിയിൽ ഉള്ള സംഭാഷണങ്ങൾ അത്ര മികവുറ്റ രീതിയിൽ ആണ് സ്രിന്ദ തന്റെ ശബ്ദത്തിലൂടെ അനിത എന്ന കഥാപാത്രത്തിന് ആയി പകർന്നു നല്കിയത്..പ്രേക്ഷക ഹൃദയം കീഴടക്കാൻ തന്റെ ശബ്ദം കൊണ്ടും സാധിക്കും എന്ന് തെളിയിച്ചിരിക്കുകയാണ് സ്രിന്ദ.