'ഭീം' ആയി ജൂനിയർ എൻടിആർ; 450 കോടി മുതൽ മുടക്കിലെത്തുന്ന ‘ആര്‍ആര്‍ആര്‍’ ടീസർ

ബാഹുബലിയൊരുക്കിയ ലോകം മുഴുവൻ ആരാധകരെ സ്വന്തമാക്കിയ സംവിധായകൻ രാജമൗലി സംവിധാനം ചെയ്യുന്ന ഏറ്റവും പുതിയ ചിത്രം ‘ആര്‍ആര്‍ആര്‍’ പുത്തൻ ടീസർ പുറത്തിറങ്ങി. ചിത്രത്തിൽ ഭീം ആയി അഭിനയിക്കുന്ന ജൂനിയർ എൻടിആറിന്‍റെ വേഷപക‍ർച്ചയാണ് പുതിയ ടീസറിലുള്ളത്. ചിത്രത്തിൽ അല്ലൂരി സീത രാമരാജു എന്ന കഥാപാത്രത്തെ അവതരിപ്പിക്കുന്ന രാംചരൺ ആണ് തന്‍റെ സഹോദരനായെത്തുന്ന കോമരം ഭീം എന്ന കഥാപാത്രത്തെ കുറിച്ച് പറയുന്ന ടീസർ പങ്കുവെച്ചിരിക്കുന്നത്. ഇതുവരെ കാണാത്ത മേക്കോവറിലാണ് ഭീമായി ജൂനിയർ എൻടിആർ എത്തിയിരിക്കുന്നത്.

2020 മാർച്ചോടെ ഷൂട്ടിങ് വിഭാവനം ചെയ്ത് 2020 ജൂലൈ 30ഓടെ റിലീസ് ചെയ്യാൻ ഇരുന്ന ചിത്രത്തിൻ്റെ ഷൂട്ടിങ് കൊവിഡ് പശ്ചാത്തലത്തിൽ നീണ്ടുപോയിരുന്നു. 2021 ജനുവരിയിൽ ചിത്രം പ്രേക്ഷക‍ർക്ക് മുന്നിലേക്കെത്തിക്കാൻ ആണ് ഇപ്പോള്‍ രാജമൗലി പദ്ധതിയിട്ടിരിക്കുന്നത്.

Also Read: കേക്കിൽ 'ജോസഫ്'! ഞങ്ങളുടെ സൂപ്പർ സ്റ്റാറിന് പിറന്നാളാശംസകളെന്ന് വീട്ടുകാർ‍

രാംചരൺ, ജൂനിയർ എൻടിആർ എന്നിവരടക്കമുള്ള താരങ്ങൾ കൊവിഡ് മാനദണ്ഡങ്ങൾ പാലിച്ചുകൊണ്ട് ഹൈദരാബാദിൽ പുരോഗമിക്കുന്ന ആർആർആറിന്‍റെ ഷൂട്ടിലുണ്ട്. ബോളിവുഡിലെയും ടോളിവുഡിലേയും പ്രമുഖ താരങ്ങളാണ് ചിത്രത്തില്‍ അണിനിരക്കുന്നത്. നായകയായെത്തുന്ന ആലിയ ഭട്ട് നവംബറിൽ ഷൂട്ടിംഗിനായി ടീമിനൊപ്പം ഹൈദരാബാദിൽ ചേരും. അജയ് ദേവ്ഗൺ, ഒലീവിയ മോറിസ് തുടങ്ങിയവരും വരും ഷെഡ്യൂളുകളിൽ ടീമിനൊപ്പം എത്തുന്നതാണ്.

തെലുങ്ക്, ഹിന്ദി, മലയാളം, തമിഴ്, കന്നഡ ഭാഷകളിലാണ് ചിത്രം എത്തുന്നത്. 450 കോടി മുതൽ മുടക്കിൽ ഒരുങ്ങുന്ന ചിത്രം സ്വാതന്ത്ര്യ സമര സേനാനികളായ അല്ലൂരി സീത രാമരാജു, കോമരം ഭീം എന്നിവരുടെ ജീവിതകഥയെ ആസ്പദമാക്കിയാണ് ഒരുങ്ങുന്നത്. 'ആര്‍ആര്‍ആര്‍' എന്ന് പേരിട്ടിരിക്കുന്ന ചിത്രത്തിന് 'രുധിരം രണം രൗദ്രം' എന്നാണ് പൂർണ രൂപം നൽകിയിരിക്കുന്നത്. വി. വിജയേന്ദ്ര പ്രസാദാണ് ചിത്രത്തിൻ്റെ തിരക്കഥ ഒരുക്കിയിരിക്കുന്നത്.

Also Read: പ്രശസ്ത സിനിമ നടൻ ആണെന്ന് പറഞ്ഞു വിളിച്ചു, അവരുടെ കെണിയില്‍ വീഴരുത്; മുന്നറിയിപ്പ് നല്‍കി ഷിനു ശ്യാമളന്‍

ബ്രിട്ടീഷ് നടി ഡെയ്‌സി എഡ്ജര്‍ ജോണ്‍സാണ് ചിത്രത്തിൽ മറ്റൊരു സുപ്രധാന കഥാപാത്രത്തെ അവതരിപ്പിക്കുന്നത്. തമിഴ് നടന്‍ സമുദ്രക്കനിയും ചിത്രത്തിൽ പ്രധാന വേഷത്തിലുണ്ട്. സ്വാതന്ത്ര്യത്തിന് മുമ്പ് തെലങ്കാനയിലെ ആദിവാസി പോരാട്ടങ്ങള്‍ക്ക് നേതൃത്വം കൊടുത്ത സമര നേതാക്കളാണ് അല്ലൂരി സീതാരാമ രാജുവും കോമരം ഭീമും. രാം ചരൺ ചിത്രത്തിൽ അല്ലൂരി സാതാരാമ രാജു ആയാണ് എത്തുന്നത് അതേസമയം ജൂനിയർ എൻടിആറാണ് വെള്ളിത്തിരയിൽ കോമരം ഭീം ആയി എത്തുന്നത്.

Also Watch :