മകള്‍ നായികയായി; സംവിധായകനായി അച്ഛൻ

ബാലതാരത്തിനുള്ള സംസ്ഥാന അവാര്‍ഡ് നേടിയ അബനി ആദി നായികയായി എത്തുന്ന പന്ത് എന്ന ചിത്രത്തിലെ ആദ്യഗാനം പുറത്തിറങ്ങി. 'കൊച്ചൗവ്വ പൗലോ അയ്യപ്പ കൊയ്‌ലോ' എന്ന ചിത്രത്തിലെ അമ്പിളി എന്ന കഥാപാത്രത്തിലൂടെയാണ് അബനിക്ക് കഴിഞ്ഞ വര്‍ഷം മികച്ച ബാലതാരത്തിനുള്ള സ്ംസ്ഥാന അവാര്‍ഡ് ലഭിച്ചത്. ഫുട്ബോളിനെ സ്‌നേഹിക്കുന്ന എട്ടുവയസ്സുകാരിയുടെ കഥയാണ് 'പന്ത്' അവതരിപ്പിക്കുന്നത്.

അബനി ആദിയുടെ പിതാവ് ആദി ബാലകൃഷ്ണന്‍ ആണ് ചിത്രത്തിന്റെ സംവിധായകന്‍. അച്ചന്റെ സംവിധാനത്തില്‍ മകള്‍ നായികയാവുകയാണ് ഈ ചിത്രത്തിലൂടെ. ഷംസുദ്ദീന്‍ കുട്ടോത്തിന്റെ വരികള്‍ക്ക് ഇഷാന്‍ ദേവ് ആണ് സംഗീതം നല്‍കിയിരിക്കുന്നത്. ഗാനത്തിന് മികച്ച പ്രതികരണമാണ് പ്രേക്ഷകരുടെ ഭാഗത്തുനിന്നും ലഭിക്കുന്നത്.