'ചാണകമിട്ട് മിണ്ടാതെ അവിടെ കിടന്നോണം'; റിലീസിന് മുന്നേ 'ജോജി'യുടെ പുത്തൻ വീഡിയോ

മഹേഷിന്‍റെ പ്രതികാരം, തൊണ്ടിമുതലും ദൃക്‌സാക്ഷിയും എന്നീ സിനിമകള്‍ക്ക് ശേഷം ദിലീഷ് പോത്തന്‍ സംവിധാനം ചെയ്യുന്ന ചിത്രമായ 'ജോജി' നാളെ (ഏപ്രിൽ 7)ന് ആമസോൺ പ്രൈമിലൂടെ സ്ട്രീമിങ് ആരംഭിക്കുകയാണ്. ഇപ്പോഴിതാ സിനിമയുടെ ട്രെയിലറിന് പിന്നാലെ സിനിമയുടെ പുതിയ വീഡിയോ പുറത്തുവിട്ടിരിക്കുകയാണ് അണിയറപ്രവർത്തകര്‍.

Also Read: 'മമ്മൂട്ടിക്കെന്താ കൊമ്പുണ്ടോ'!; ഇത് മറ്റുള്ളവർക്ക് ബുദ്ധിമുട്ടുണ്ടാക്കുമെന്ന് സ്ഥാനാർഥിയുടെ ഭാര്യ

സിനിമയിൽ ജോജി എന്ന കഥാപാത്രമായെത്തുന്ന ഫഹദിനേയും ഫഹദിന്‍റെ അപ്പനായെത്തുന്ന കഥാപാത്രത്തേയും ഒരു കുതിരയേയുമാണ് വീഡിയോയിൽ കാണാനാവുന്നത്. സീ യു സൂൺ, ഇരുള്‍ എന്നീ സിനിമകള്‍ക്ക് ശേഷം ഫഹദിന്‍റേതായി ഒടിടി റിലീസ് ചെയ്യുന്ന ചിത്രമാണിത്.

ശ്യാം പുഷ്‌കരനാണ് സിനിമയുടെ തിരക്കഥ ഒരുക്കിയിരിക്കുന്നത്. ചിത്രം ആമസോണ്‍ പ്രൈം വീഡിയോയാണ് ചിത്രത്തിൻ്റെ പുതിയ വീഡിയോ പുറത്തുവിട്ടിരിക്കുന്നത്. ബാബുരാജ്, ഷമ്മി തിലകന്‍, ഉണ്ണിമായ പ്രസാദ്, അലിസ്റ്റര്‍ അലക്‌സ് തുടങ്ങിയവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്.

Also Read: വിജയ് പ്രതിഷേധിച്ചതല്ല, സൈക്കിളില്‍ വോട്ട് ചെയ്യാന്‍ വന്നതിന്റെ യഥാര്‍ത്ഥ കാരണം ഇതാണ്!

ഷൈജു ഖാലിദാണ് ചിത്രത്തിൻ്റെ ക്യാമറ കൈകാര്യം ചെയ്തിരിക്കുന്നത്. കിരണ്‍ ദാസാണ് ചിത്രത്തിൻ്റെ എഡിറ്റിംഗ്. ഭാവന സ്റ്റുഡിയോസാണ് ചിത്രത്തിൻ്റെ നിര്‍മ്മാണം നിർവ്വഹിക്കുന്നത്. ഷേക്‌സ്പിയറിന്‍റെ മാക്ബത്ത് എന്ന കൃതിയിൽ പ്രചോദനം ഉള്‍ക്കൊണ്ടുള്ളതാണ് ചിത്രമെന്ന് ഇതിനകം മാധ്യമങ്ങളോട് ദിലീഷ് പോത്തൻ വെളിപ്പെടുത്തിയിട്ടുണ്ട്.

Also Watch :