ഗോവ ചലച്ചിത്രമേള ജൂറി സ്ഥാനം സുജോയ് ഘോഷ് രാജിവച്ചു

ന്യൂഡല്‍ഹി: ഗോവ അന്താരാഷ്ട്ര ചലച്ചിത്രമേളയുടെ ജൂറിയില്‍ നിന്ന് സംവിധായകന്‍ സുജോയ് ഘോഷ് രാജിവച്ചു. ഇന്ത്യന്‍ പനോരമയില്‍ ഉള്‍പ്പെടുത്തിയിരുന്ന രണ്ട് സിനിമകള്‍ കേന്ദ്രസര്‍ക്കാര്‍ ഒഴിവാക്കിയതില്‍ പ്രതിഷേധിച്ചാണ് നടപടി.

സനല്‍കുമാര്‍ ശശിധരന്‍റെ മലയാള സിനിമ, 'എസ് ദുര്‍ഗ', മറാത്തി സിനിമ 'നൂഡ്' എന്നിവയാണ് കേന്ദ്രസര്‍ക്കാര്‍ ജൂറിയോട് ചോദിക്കാതെ ഒഴിവാക്കിയത്.

ഹിന്ദി സംവിധായകനാണ് സുജോയ്. വിദ്യാ ബാലന്‍ അഭിനയിച്ച കഹാനി സുജോയ് ആണ് സംവിധാനം ചെയ്‍തത്.