'ഉണ്ണി മുകുന്ദൻ' കഥപറയുന്നു... 'സണ്‍ഡേ ഹോളിഡേ' ട്രെയിലർ

ആസിഫ് അലിയും അപര്‍ണാ ബാലമുരളിയും കേന്ദ്രകഥാപാത്രങ്ങളാകുന്ന 'സണ്‍ഡേ ഹോളിഡേ'യുടെ ട്രെയിലര്‍ അണിയറപ്രവര്‍ത്തകര്‍ പുറത്തു വിട്ടു. 'ബൈസൈക്കിള്‍ തീവ്സ്' എന്ന ചിത്രത്തിനുശേഷം ജിസ് ജോയി തിരക്കഥയെഴുതി സംവിധാനം ചെയ്യുന്ന ചിത്രമാണിത്. മാക്ട്രോ പിക്ചേഴ്സിന്‍റെ ബാനറില്‍ ഷീന്‍ ഹെലനാണ് ചിത്രം നിര്‍മിക്കുന്നത്. ചിത്രത്തിൽ ശ്രീനിവാസൻ അവതരിപ്പിക്കുന്ന കഥാപാത്രത്തി​ന്‍റെ പേര് 'ഉണ്ണി മുകുന്ദനെ'ന്നാണ്. ശ്രീനിവാസൻ സംവിധായകനായ ലാൽ ജോസിനോട് കഥ പറയുന്നതാണ് ടീസറിലെ ആകർഷകമായ രംഗം.



സ്വപ്നങ്ങളും പ്രതീക്ഷകളുമുള്ള ചെറുപ്പക്കാരന് ഒരു സാഹചര്യത്തിൽ സ്വന്തം വീടും നാടും ഉപേക്ഷിച്ച് നഗരത്തിലേക്ക് വരേണ്ടിവരുന്നു. അയാൾ വന്നുപെട്ടത് ഒരു ബാന്‍ഡ്സെറ്റ് ഗ്രൂപ്പിലാണ്. അവിടെ നിന്നുണ്ടാകുന്ന രസകരമായ മൂഹൂര്‍ത്തങ്ങളാണ് ചിത്രം പറയുന്നത്. ശ്രീനിവാസനും ആശാ ശരത്തും സിദ്ദിഖും ചിത്രത്തിലുണ്ട്. സംവിധായകൻ കൂടിയായ ലാൽ ജോസ് ട്രെയിലറിലുടനീളം എത്തുന്നു എന്നത് ഒരു പ്രത്യേകതയാണ്.

ധര്‍മജന്‍, ഭഗത് മാനുവല്‍, നിര്‍മല്‍, സുധീകര്‍ കരമന, കെ.പി.എ.സി. ലളിത തുടങ്ങിയവരും ചിത്രത്തിലുണ്ട്. രണ്ടു ലെയറായാണ് ചിത്രം ഒരുക്കിയിരിക്കുന്നത്. ഒരു ഞായറാഴ്ച നടക്കുന്ന ചിത്രം കൂടിയായതിനാല്‍ പേര് ചിത്രത്തിന് വളരെ ഉചിതമാണ്. അലക്സ് ജെ. പള്ളിക്കലാണ് ഛായാഗ്രഹണം. കിരണ്‍ വി.എസ്., ഉരസു എന്നിവര്‍ ചേര്‍ന്നെഴുതിയ കഥയാണ് ചിത്രമാക്കിയിരിക്കുന്നത്. സംവിധായകന്‍ ജിസ് ജോയി തന്നെ എഴുതിയ വരികള്‍ക്ക് ദീപക് ദേവാണ് സംഗീതം പകരുന്നത്.

Sunday Holiday Official Trailer is out

New Malayalam Film Sunday Holiday Official Trailer released which starring by Asif Ali and Aparna Balamurali