'ബിഗ്ബോസ്' എത്തിയതോടെ അരങ്ങ് ഒഴിഞ്ഞത് ബഡായി ബംഗ്ലാവായിരുന്നു. അത് ഏറെ ബഡായി ബംഗ്ലാവ് ആരാധകരെ നിരാശയിലാഴ്ത്തി. എന്നാൽ അത്തരക്കാര്ക്ക് ഒരു സന്തോഷ വാര്ത്ത പുറത്ത് വരുന്നു. പ്രേക്ഷകരെ കുടുകുടാ ചിരിപ്പിച്ച ബഡായി ബംഗ്ലാവ് ടീം വീണ്ടുമെത്തുന്നു എന്നാണ് ചാനൽ വൃത്തങ്ങൾ വ്യക്തമാക്കുന്നത്. ചാനലിൻ്റെ ഫേസ്ബുക്ക് പേജിലൂടെ പ്രൊമോ പുറത്തു വിടുകയും ചെയ്തു. പഴയ താമസക്കാര് പോയെന്നും പുതിയ താമസക്കാരാണ് ബംഗ്ലാവിലേക്ക് വരുന്നതെന്നും മുകേഷ് പറയുന്നതാണ് പ്രൊമോ വീഡിയോയിലെ ആകര്ഷണം. അതാരാണ് എന്നറിയാൻ ഇനിയും കാത്തിരിക്കേണ്ടി വരുമെന്നാണ് പറയുന്നത്. ബഡായി ബംഗ്ലാവിൻ്റെ ആദ്യ പതിപ്പിൽ രമേഷ് പിഷാരടിയും ആര്യയും പ്രസീതയും മനോജ് ഗിന്നസും വീണാ നായരുമായിരുന്നു പ്രധാന കഥാപാത്രങ്ങളായി എത്തിയിരുന്നത്. ഇവര്ക്കൊപ്പം ധര്മ്മജനുമുണ്ടായിരുന്നെങ്കിലും സിനിമയിൽ തിരക്കു വര്ധിച്ചപ്പോൾ ധര്മ്മജൻ പോയിരുന്നു.
എന്നാൽ പുതിയ പതിപ്പിൽ പഴയ താമസക്കാരും പുതിയ താമസക്കാരും തമ്മിൽ വലിയ വഴക്കാണെന്നും പ്രൊമോ ടീസറിൽ പറയുന്നുണ്ട്. ബഡായി ബംഗ്ലാവിൽ വഴക്കു തുടങ്ങി. പുതിയ താമസക്കാരും വ്യത്യസ്തരായ അതിഥികളുമായി പ്രേക്ഷകരിലേക്ക് ഉടൻ ബഡായി ബംഗ്ലാവെത്തുമെന്നാണ് വിവരം.
എന്നാൽ പുതിയ പതിപ്പിൽ പഴയ താമസക്കാരും പുതിയ താമസക്കാരും തമ്മിൽ വലിയ വഴക്കാണെന്നും പ്രൊമോ ടീസറിൽ പറയുന്നുണ്ട്. ബഡായി ബംഗ്ലാവിൽ വഴക്കു തുടങ്ങി. പുതിയ താമസക്കാരും വ്യത്യസ്തരായ അതിഥികളുമായി പ്രേക്ഷകരിലേക്ക് ഉടൻ ബഡായി ബംഗ്ലാവെത്തുമെന്നാണ് വിവരം.