'ഒപ്പം ഇരിക്കണമെങ്കിൽ ഈ റൂളുകൾ ബാധകമാണ്' ; സുപ്രിയയ്ക്കും പൃഥ്വിക്കും കർശന നിർദ്ദേശവുമായി അല്ലി!

മലയാളികളുടെ പ്രിയങ്കരരായ താരകുടുംബമാണ് പൃഥ്വിരാജിൻ്റേത്. നടനും ഭാര്യയും നിർമ്മാതാവുമായ സുപ്രിയയും നിരന്തരം സിനിമാ വിശേഷങ്ങളും വീട്ടിലെ വിശേഷങ്ങളും കുടുംബവിശേഷങ്ങളും മകൾ അല്ലിയുടെ വിശേഷങ്ങളുമൊക്കെ ആരാധകരും ഫോളോവേഴ്സുമായി പങ്കുവെക്കാറുണ്ട്. ഇപ്പോഴിതാ അല്ലിയുടെ പുതിയ വിശേഷം പങ്കുവെച്ചിരിക്കുകയാണ് സുപ്രിയ. അഞ്ചുവയസ്സുകാരിയായ അല്ലി ഇത്തവണ മാതാപിതാക്കൾക്ക് പുതിയ നിർദ്ദേശങ്ങൾ പുറപ്പെടുവിച്ചിരിക്കുകയാണ്.

Also Read: റിയയുടെ അക്കൗണ്ടിലേക്ക് പണം ട്രാന്‍സ്ഫര്‍ ചെയ്തതിന് തെളിവില്ല; മരണത്തിന് മുമ്പ് സുശാന്ത് ഗൂഗിളില്‍ തിരഞ്ഞത്

സുപ്രിയ തന്നെയാണ് അല്ലിയുടെ പുതിയ വിശേഷം പങ്കുവെച്ചിരിക്കുന്നത്. 'വീട്ടിൽ ഒപ്പം താമസിക്കണമെങ്കിൽ മമ്മയ്ക്കും ദാദയ്ക്കും അല്ലിയുടെ വക പുതിയ നിയമങ്ങൾ... ഒരു അഞ്ചുവയസ്സുകാരിയുടെ ഭരണം..' എന്ന കുറിപ്പോടെയാണ് സുപ്രിയ പുതിയ വിശേഷം പങ്കുവെച്ചിരിക്കുന്നത്. ഒരു പേപ്പറിൽ പെൻസിൽ കൊണ്ട് അല്ലി എഴുതിയ പ്രത്യേക നിർദ്ദേശങ്ങളാണ് വളരെ രസകരം. 'ഫോൺ നോക്കരുത്. അങ്ങോട്ടുമിങ്ങോട്ടും നോക്കി ഇരിക്കരുത്. എന്നെ നോക്കണം, കയ്യടിക്കണം.' അല്ലി എഴുതിയിരിക്കുന്നത് ഇങ്ങനെ.

Also Read: സുശാന്തിന്റെ മരണം: അന്വേഷിക്കാന്‍ മുംബെെയിലെത്തിയ ബിഹാര്‍ പോലീസ് ഉദ്യോഗസ്ഥന്‍ നിര്‍ബന്ധിത ക്വാറന്റെെനില്‍!

സുപ്രിയയുടെ പോസ്റ്റിന് വളരെ രസകരമായ കമൻ്റുകളുമായി ആരാധകരും എത്തിക്കഴിഞ്ഞു. അതനുസരിച്ച് മര്യാദയ്ക്ക് നിന്നാൽ അവിടെ താമസിക്കാം. ഇല്ലേൽ അല്ലി ചവിട്ടി പുറത്താക്കും എന്നാണ് ഒരു ആരാധിക കുറിച്ചിരിക്കുന്നത്. ഈ ജനറേഷനിലെ എല്ലാ കുട്ടികളും ഇത് പറയാൻ ആഗ്രഹിക്കുന്നുണ്ടെന്നും ആരാധകർ കുറിച്ചിരിക്കുന്നു. ഏതായാലും ആരാധകർ ഏറ്റെടുത്തിരിക്കുകയാണ് സുപ്രിയയുടെ പോസ്റ്റ്.