​സിനിമാസമരം; മമ്മൂട്ടിക്കും മോഹന്‍ലാലിനുമെതിരെ സുരേഷ് കുമാര്‍

സിനിമാസമരം സൂപ്പര്‍ താരങ്ങള്‍ ബാധിച്ചിട്ടില്ലെന്നാണ് സുരേഷ് കുമാറിന്റ വാദം. സിനിമാ സമരം തുടങ്ങി ഒരു മാസമായിട്ടും മലയാളത്തിന്റെ സൂപ്പര്‍ താരങ്ങളായ മമ്മൂട്ടിയും മോഹന്‍ലാലും പ്രതികരിക്കാന്‍ തയാറായിട്ടില്ലെന്ന് ചലച്ചിത്ര നിര്‍മ്മാതാക്കളുടെ സംഘടനയായ ഫിലിം പ്രൊഡ്യൂസേഴ്സ് അസോസിയേഷന്‍ പ്രസിഡന്റ് ജി സുരേഷ് കുമാര്‍ വിമര്‍ശിച്ചു. തീയറ്ററുടമകള്‍ ഏകപക്ഷീയ നിലപാട് തുടരുന്ന സാഹചര്യത്തിലും തീയറ്ററുകള്‍ അടച്ചിട്ടതിനാലും തീയറ്ററുടമകളെ ഉള്‍പ്പെടുത്തിയ പുതിയ സംഘടന നല്ലതാണ്. സൂപ്പര്‍ താരങ്ങള്‍ പ്രതികരിക്കാത്തത് നല്ല പ്രവണതയായി തോന്നുന്നില്ലെന്നും സുരേഷ്‌കുമാര്‍ കൂട്ടിച്ചേര്‍ത്തു.

ലിബര്‍ട്ടി ബഷീറിന്റെ നേതൃത്വത്തിലുള്ള ഫിലിം എക്സിബിറ്റേഴ്സ് ഫെഡറേഷനിലെ 30 അംഗങ്ങള്‍ തങ്ങളുടെ പുതിയ സംഘടനയുടെ ഭാഗമാകുമെന്ന് സുരേഷ് കുമാര്‍ പറഞ്ഞു. ബി ക്ലാസ് തീയറ്ററുകളുടെ സംഘടനയായ സിനി എക്സിബിറ്റേഴ്സ് അസോസിയേഷന്‍ സമരത്തില്‍ നിര്‍മ്മാതാക്കള്‍ക്കും വിതരണക്കാര്‍ക്കും ഒപ്പമാണ്. ഇവരുടെ കീഴിലുള്ള എണ്‍പതോളം തീയറ്ററുകളിലും ഭൈരവ റിലീസ് ചെയ്തിട്ടുണ്ട്.വിജയ് ചിത്രം ഭൈരവാ വ്യാഴാഴ്ച പ്രദര്‍ശിപ്പിക്കാന്‍ എക്സിബിറ്റേഴ്സ് ഫെഡറേഷന്‍ തയ്യാറായിരുന്നില്ല. സംഘടനയിലെ ഇരുപതോളം തീയറ്ററുകള്‍ തീരുമാനം ലംഘിച്ച് സിനിമ റിലീസ് ചെയ്തിട്ടുണ്ടിപ്പോൾ.

suresh kumar against super stars.