മലയാളത്തിൽ 'മഹേഷിന്റെ പ്രതികാരം' എന്ന സിനിമയിലൂടെ ഏറെ ശ്രദ്ധിക്കപ്പെട്ട യുവനടി അപര്ണ്ണ ബാലമുരളി സൂര്യയുടെ നായികയായി തമിഴിൽ. ചിത്രത്തിന്റെ ടൈറ്റിലും ഫസ്റ്റ് ലുക്ക് പോസ്റ്റര് ഇന്ന് പുറത്തുവിട്ടു. 'സൂരറൈ പോട്രു' എന്നാണ് ചിത്രത്തിന്റെ പേര്. അപര്ണ്ണയുടെ രണ്ടാമത്തെ തമിഴ് ചിത്രമാണിത്. സൂര്യയുടെ 38-ാം ചിത്രമാണിത്. സുധ കൊങ്ങര എന്ന സംവിധായികയാണ് ചിത്രത്തിന്റെ സംവിധാനം നിര്വ്വഹിക്കുന്നത്. ദ്രോഹി, ഇരുതുസുട്രു, ഗുരു എന്നിവയാണ് സുധയുടെ മുൻ ചിത്രങ്ങള്.
സംഗീതം ജി.വി പ്രകാശാണ്. അപര്ണ്ണ തന്നെയാണ് ചിത്രത്തിന്റെ പൂജാ ചിത്രം ഫേസ്ബുക്കിൽ പങ്കുവച്ചിരിക്കുന്നത്. 'എന്റെ അടുത്ത ചിത്രം, നിങ്ങളുടെ പ്രാര്ത്ഥനകള് വേണം' എന്നുപറഞ്ഞാണ് ചിത്രം താരം പങ്കുവച്ചിരിക്കുന്നത്. അതോടൊപ്പം സൂര്യ38, സുധ കൊങ്ങര എന്നീ ഹാഷ് ടാഗുകളും താരം ചേര്ത്തിട്ടുണ്ട്. മലയാളത്തിൽ മഹേഷിന്റെ പ്രതികാരത്തിന് പുറമെ ഒരു സെക്കന്റ് ക്ലാസ് യാത്ര, ഒരു മുത്തശ്ശിഗദ, സൺഡേ ഹോളിഡേ, സര്വ്വോപരി പാലാക്കാരൻ, തൃശിവപേരൂര് ക്ലിപ്തം, മായാനദി, കാമുകി, ബിടെക്, അള്ള് രാമേന്ദ്രൻ, മി ആൻഡ് മിസ് റൗഡി തുടങ്ങിയ ചിത്രങ്ങളിലാണ് അപര്ണ്ണ അഭിനയിച്ചിട്ടുള്ളത്. 'സര്വ്വം താളമയം' എന്ന ചിത്രമായിരുന്നു ആദ്യ തമിഴ് ചിത്രം.
സംഗീതം ജി.വി പ്രകാശാണ്. അപര്ണ്ണ തന്നെയാണ് ചിത്രത്തിന്റെ പൂജാ ചിത്രം ഫേസ്ബുക്കിൽ പങ്കുവച്ചിരിക്കുന്നത്. 'എന്റെ അടുത്ത ചിത്രം, നിങ്ങളുടെ പ്രാര്ത്ഥനകള് വേണം' എന്നുപറഞ്ഞാണ് ചിത്രം താരം പങ്കുവച്ചിരിക്കുന്നത്. അതോടൊപ്പം സൂര്യ38, സുധ കൊങ്ങര എന്നീ ഹാഷ് ടാഗുകളും താരം ചേര്ത്തിട്ടുണ്ട്.