സൂര്യയോടൊപ്പം മോഹൻലാൽ ലണ്ടനിൽ

മോഹന്‍ലാല്‍-സൂര്യ-കെ വി ആനന്ദ്‌ ചിത്രം ലണ്ടനില്‍ ചിത്രീകരണം പുരോഗമിക്കുന്നു. നടന്‍ ആര്യ, നടി സയേഷ എന്നിവരാണ് മറ്റ് പ്രധാനതാരങ്ങള്‍. സോള്‍ട്ട് ആൻഡ് പെപ്പർ ലുക്കിലാണ് ചിത്രത്തിൽ മോഹൻലാൽ. സുരേഷ്-ബാലകൃഷ്ണന്‍ (ശുഭ) ഒരുക്കുന്ന ചിത്രത്തിന്‍റെ തിരക്കഥയില്‍ മോഹന്‍ലാല്‍ ഒരു രാഷ്ട്രീയക്കാരന്‍റെ വേഷത്തില്‍ എത്തും എന്നാണ് അറിഞ്ഞിരിക്കുന്നത്.

‘അയന്‍’, ‘കോ’, തുടങ്ങി സൂപ്പര്‍ ഹിറ്റ് സിനിമകള്‍ സമ്മാനിച്ച കെ.വി.ആനന്ദിന്‍റെ പുതിയ ചിത്രം സൂര്യയുടെ ഇതുവരെയുള്ള സിനിമാ ജീവിതത്തിലെ ഏറ്റവും ചിലവേറിയ ചിത്രമാണ് എന്ന് റിപ്പോര്‍ട്ടുകള്‍. പത്തോളം രാജ്യങ്ങളിലായാണ് ചിത്രീകരണം. നവംബര്‍ അവസാനത്തോടെ ഇതിന്‍റെ ചിത്രീകരണം പൂര്‍ത്തിയാക്കാനാണ് ലക്ഷ്യമിടുന്നത്. തമിഴിലെ വലിയ ബാനറുകളില്‍ ഒന്നായ ലൈക്കാ പ്രൊഡക്ഷന്‍സ് നിര്‍മ്മിക്കുന്ന ചിത്രത്തിന് ‘സൂര്യ 37’ എന്നാണ് ഇപ്പോള്‍ പേരിട്ടിരിക്കുന്നത്.