കാത്തിരിപ്പിന് വിരാമം; '24 ' റിലീസ് പ്രഖ്യാപിച്ചു

ആരാധക‍ർ ആവേശത്തോടെ കാത്തിരിക്കുന്ന നടിപ്പിൻ നായകൻ ചിത്രം '24' റിലീസ് തീയതി പ്രഖ്യാപിച്ചു. വിക്രം കെ കുമാര്‍ സംവിധാനം ചെയ്യുന്ന സയന്‍സ് ഫിക്ഷന്‍ ചിത്രം മെയ് 6നാണ് തീയറ്ററുകളില്‍ എത്തുക. വിദേശരാജ്യങ്ങളില്‍ പക്ഷേ മെയ് 5ന് പ്രദര്‍ശനം ആരംഭിക്കും. വിജയ് ചിത്രം 'തെരി' എത്തുന്നതിനാൽ റിലീസ് നീട്ടുകയായിരുന്നു.

ചിത്രത്തിന്റെ ടീസറും ട്രെയ്‌ലറും പാട്ടുകള്‍ക്കുമൊക്കെ സോഷ്യൽ മീഡിയയിൽ ഹിറ്റുകൾ ഭേദിക്കുകയാണ്. സാമന്തയും നിത്യ മേനനുമാണ് നായികമാ‍ർ. എ. ആര്‍ റഹ്മാനാണ് സംഗീതം. 2ഡി എന്റര്‍ടെയ്ന്‍മെന്റിന്റെ ബാനറില്‍ സൂര്യ തന്നെയാണ് ചിത്രം നിര്‍മ്മിക്കുന്നത്.