പുകവലി മടുത്തു, ഇനിയില്ലെന്ന് സ്വര ഭാസ്കര്‍

ഇന്ത്യന്‍ സിനിമയിലെ ബോള്‍ഡ് ആന്‍ഡ് ബ്യൂട്ടിഫുള്‍ ലേഡി സ്വര ഭാസ്കര്‍ അല്പം അസ്വസ്ഥതയിലാണ്. സിനിമയിലാണെങ്കില്‍ പോലും പുകവലിക്കേണ്ടി വന്നത് വളരെ മോശം അനുഭവമായിരുന്നു തനിക്കെന്ന് സ്വര പറയുന്നു.

കരീന കപൂര്‍, സോനം കപൂര്‍, ശിഖ തല്‍സാനിയ എന്നിവര്‍ക്കൊപ്പം നാലു കൂട്ടുകാരികളുടെ കഥ പറയുന്ന 'വീരേ ദി വെഡ്ഡിംഗ്' എന്ന ചിത്രത്തില്‍ ചെയിന്‍ സ്മോക്കര്‍ ആയ സാക്ഷി എന്ന കഥാപാത്രത്തെയാണ് സ്വര അവതരിപ്പിക്കുന്നത്. ഇതിനു മുന്നേ 'അനാര്‍ക്കലി ഓഫ് ആരാ' എന്ന ചിത്രത്തില്‍ ബീഡി വലിച്ചും സ്വര സ്ക്രീനില്‍ എത്തിയിരുന്നു.

"പുകവലി ഭീകരമായ അനുഭവമായിരുന്നു. അതിനു ശേഷം ശ്വാസംമുട്ടല്‍, തലകറക്കം തുടങ്ങിയ ആരോഗ്യപ്രശ്നങ്ങള്‍ നേരിടേണ്ടി വന്നു" സ്വര പറയുന്നു.

ഇനി ഏതെങ്കിലും ചിത്രത്തില്‍ സിഗരറ്റ് വലിക്കുന്ന കഥാപാത്രം വന്നാല്‍ താന്‍ ചെയ്യില്ല എന്നും സ്വര പറയുന്നു