നടി സ്വാതി നാരായണന്‍ തമിഴിലേക്ക് ചുവടുവെക്കുന്നു

സു..സു..സുധി വാത്മീകം ഫെയിം സ്വാതി ഇനി തമിഴ് സംസാരിക്കും. ഇളയ് എന്ന ചിത്രത്തില്‍ പത്താം ക്ലാസുകാരിയുടെ വേഷത്തിലാണ് നടി അഭിനയിക്കുന്നത്. സ്ത്രീ കേന്ദ്രീകൃത ചിത്രത്തിലെ ടൈറ്റില്‍ കഥാപാത്രമാണ് സ്വാതിയുടേത്. നാട്ടിന്‍ പുറത്തുകാരിയായ പെണ്‍കുട്ടിയാണ് ഇളയ്. നവാഗതനായ ബിനീഷ് രാജാണ് ചിത്രം സംവിധാനം ചെയ്യുന്നത്.തമിഴ്നാട്ടിലെ ഒരു ഗ്രാമത്തില്‍ 90 കാലഘട്ടത്തിലാണ് കഥ നടക്കുന്നത്.

പഠിക്കാനുള്ള ആഗ്രഹവും ഭാവിയിയെ കുറിച്ച്‌ സ്വപ്നങ്ങളുമുള്ള ഇളയ്ക്ക് സ്വന്തം അമ്മ പോലും എതിരാണ്. അവള്‍ ഈ വെല്ലുവിളികള്‍ എങ്ങനെ നേരിടുമെന്നതാണ് ചിത്രത്തിൻ്റെ ഇതിവൃത്തം. ഇളയുടെയും അച്ഛഴൻ്റെയും ബന്ധവും ചിത്രത്തില്‍ പ്രാധാന്യമര്‍ഹിക്കുന്നതാണ്. അച്ഛന്‍ മരിക്കുന്ന ദിവസം അവള്‍ക്ക് നേരിടേണ്ടി വരുന്ന ദുരിതമാണ് ചിത്രത്തിൻ്റെ കഥ.