'മാലാഖ'മാരുടെ ജീവിതവുമായി 'ടേക്ക് ഓഫ്' പുതിയ ട്രെയിലർ

കുഞ്ചാക്കോ ബോബനും ഫഹദ് ഫാസിലും നായകന്മാരാകുന്ന ടേക്ക് ഓഫ് സിനിമയുടെ രണ്ടാമത്തെ ട്രെയിലർ പുറത്തിറങ്ങി. ഇറാഖ് പശ്ചാത്തലത്തിലുള്ള സിനിമ മഹേഷ് നാരായണനാണ് സംവിധാനം ചെയ്യുന്നത്. പി വി ഷാജികുമാറും മഹേഷ് നാരായണനും ചേര്‍ന്നാണ് തിരക്കഥ ഒരുക്കിയിരിക്കുന്നത്. ചിത്രത്തിന്‍റെ ആദ്യ ട്രെയിലറും ഏറെ ശ്രദ്ധനേടിയിരുന്നു. പുതിയ ട്രെയിലർ മമ്മൂട്ടി, മോഹൻലാൽ ഉൾപ്പെടെയുള്ള താരനിര ഫേസ്ബുക്കിൽ ഷെയർ ചെയ്തിട്ടുണ്ട്.



റാസല്‍ഖൈമ നഗരത്തിലാണ് ടേക്ക് ഓഫ് എന്ന സിനിമയുടെ ഷൂട്ടിംഗ് കൂടുതലും നടന്നതും. എഡിറ്ററായിരുന്ന മഹേഷ് നാരായണന്റെ ആദ്യ സംവിധാന സംരംഭമാണിത്. ഇറാഖ് പശ്ചാത്തലത്തില്‍ നഴ്സുമാരുടെ കഥയാണ് ടേക്ക് ഓഫ് പറയുന്നത്. പാര്‍വതിയാണ് ചിത്രത്തിലെ നായിക. ഫഹദ് ഫാസില്‍, സിദ്ധീഖ്, ആസിഫ് അലി തുടങ്ങിയ താര നിരയുമുണ്ട്. സനു ഛായാഗ്രഹണം നിര്‍ഹിക്കുന്നു.

അന്തരിച്ച സംവിധായകന്‍ രാജേഷ് പിള്ളയുടെ സുഹൃത്തുക്കളാണ് സിനിമയ്ക്ക് പിന്നില്‍. രാജേഷ് പിള്ള പ്രൊഡക്ഷന്സ് എന്ന ബാനറിലാണ് സിനിമ നിര്‍മ്മിക്കുന്നത്. ആന്റോ ജോസഫും ഷെബിന്‍ ബക്കറും ചേര്‍ന്നാണ് നിര്‍മ്മാണം. ഈ മാസം 24ന് ടേക്ക് ഓഫ് തീയറ്ററുകളില്‍ എത്തും.

Take Off - Official Trailer 2.