'ക്വീൻ' തമിഴ്; തമന്നയും തൃഷയും നയൻസും ഔട്ട്: നായികയാകാൻ കാജൾ അഗ‍ര്‍വാൾ

മികച്ച നടിക്കുള്ള ദേശീയ പുരസ്കാരം കങ്കണ റണൗട്ടിന് നേടിക്കൊടുത്ത 'ക്വീൻ' തമിഴിലേക്ക് റീമേക്കിനൊരുങ്ങുന്നെന്ന വാര്‍ത്തയ്ക്ക് ചിത്രത്തോളം തന്നെ പഴക്കമുണ്ട്. തമിഴിൽ കങ്കണ അവതരിപ്പിച്ച കഥാപാത്രം അവതരിപ്പിക്കുന്നവരിലേക്ക് നയൻതാരയുടെയും തമന്നയുടെയും തൃഷയുടെയുമുൾപ്പെടെ പേരുകളും വന്നിരുന്നു. എന്നാൽ തമിഴിൽ ക്വീനായി എത്തുന്നത് കാജൾ അഗ‍ര്‍വാൾ ആണെന്നതാണ് പുതിയ വാർത്ത. ചിത്രത്തിന്‍റെ ഔദ്യോഗിക പ്രഖ്യാപന വേളയിലാണ് ഇക്കാര്യം പ്രഖ്യാപിച്ചത്. ചിത്രത്തിന്‍റെ ഫസ്റ്റ് ലുക്ക് പോസ്റ്ററും ഇപ്പോൾ പുറത്തെത്തിയിട്ടുണ്ട്.



'പാരിസ് പാരിസ്' എന്ന പേരിലാണ് ചിത്രം തമിഴിൽ ഒരുങ്ങുന്നത്. രമേശ് അരവിന്ദാണ് ചിത്രം ഒരുക്കുന്നത്. ചിത്രത്തിന്‍റെ കന്നഡ പതിപ്പും സംവിധാനം ചെയ്യുന്നത് രമേശ് തന്നെയാണ്. കഥാപാത്രത്തെ തന്‍റേതായ രീതിയിൽ തന്നെ മാത്രമേ അവതരിപ്പിക്കൂ എന്നും ആരെയും അനുകരിക്കാൻ ശ്രമിക്കില്ലന്നും ഇത് തന്നെ സംബന്ധിച്ചിടത്തോളം വളരെ പ്രത്യേകത നിറഞ്ഞ പ്രൊജക്ടാണെന്നും കാജൾ അഗര്‍വാൾ ചിത്രത്തിന്‍റെ ഔദ്യോഗിക പ്രഖ്യാപനവേളയിൽ വ്യക്തമാക്കി.

വിവാഹം മുടങ്ങിയതിനാൽ തനിയെ ലണ്ടനിലേക്ക് ഹണിമൂണിന് പോയ റാണി മെഹ്റ എന്ന പെണ്‍കുട്ടിയുടെ കഥയാണ് ക്വീൻ പറഞ്ഞത്. 2014ൽ പുറത്തിറങ്ങിയ ചിത്രം സംവിധാനം ചെയ്തത് വികാസ്ബാൽ ആയിരുന്നു. കങ്കണയുടെ സിനിമാജീവിതത്തിലെ ഏറ്റവും മികച്ച ഒരു കഥാപാത്രമായിരുന്നു ചിത്രത്തിലേത്.

Tamil remake of Queen Movie; Kajal Aggarwal in lead: Named Paris Paris

Kajal Aggarwal will do lead role in Tamil remake of Queen Movie: Named as 'Paris Paris'