തെലുങ്കിലും മോഹൻലാലിന് ഫാൻസ്‌ അസോസിയേഷൻ

കേരളത്തിൽ മാത്രമല്ല അങ്ങ് തെലുങ്ക് നാട്ടിലും കാലുറപ്പിച്ചിരിക്കുകയാണ് മലയാളികളുടെ സ്വന്തം മോഹൻലാൽ. ജനതാ ഗാരേജിന്‍റെ വമ്പൻ വിജയത്തിന് ശേഷം മോഹൻലാലിന് തെലുങ്കിൽ മികച്ച സ്വീകാര്യതയാണ് ലഭിക്കുന്നത്.

മോഹൻലാലിന്‍റെ തുടർച്ചയായ രണ്ടാം ചിത്രമാണ് തെലുങ്കിൽ ഹിറ്റ് ആകുന്നത്. വിസ്മയത്തിലൂടെ പ്രേക്ഷകരെ വിസ്മയിപ്പിച്ച മോഹൻലാൽ രണ്ടാം ചിത്രത്തിൽ ജൂനിയർ എൻ ടി ആറിനെ നിഷ്‌പ്രഭമാകുന്ന പ്രകടനമാണ് കാഴ്ച്ചവെച്ചത്. ഇത് തെലുങ്ക് പ്രേക്ഷകരെ ആവേശത്തിലാഴ്ത്തിയിരിക്കുകയാണ്.

മോഹൻലാലിന്‍റെ ഒഫീഷ്യൽ ഫേസ്ബുക്ക് പേജിൽ തെലുങ്ക് ആരാധകരുടെ പുകഴ്ത്തലുകളാണ് ഇപ്പോൾ. ഇതിന് പുറമെയാണ് ഇപ്പോൾ മോഹൻലാലിന് തെലുങ്കിൽ ഫാൻസ്‌ അസോസിയേഷൻ ആരംഭിക്കാൻ ആരാധകർ ഒരുങ്ങുന്നത്.