ജോൺ ദുരൈരാജായ് വിജയ്, ഭവാനിയായി സേതുപതി; മാസ്റ്ററിന്‍റെ വെടിക്കെട്ട് ടീസര്‍

സൂര്യ നായകനായ സൂരരൈ പ്രോട്രിന്‍റെ ഒടിടി റിലീസിന് ശേഷം മികച്ച അഭിപ്രായം നേടിയിരിക്കുന്ന സമയത്ത് വിജയ് ആരാധകര്‍ക്ക് ദീപാവലിക്ക് ആഘോഷിക്കാൻ വക നൽകി മാസ്റ്ററിന്‍റെ ടീസര്‍. ജോൺ ദുരൈരാജ് എന്ന ജെഡിയായി വിജയ്‍യും ഭവാനിയായി വിജയ് സേതുപതിയും അരങ്ങു തകർക്കുന്ന ടീസറാണ് ഇപ്പോള്‍ പുറത്തിറക്കിയിരിക്കുന്നത്.

Also Read: രാഷ്ട്രീയക്കാരനായി ഉണ്ണി മുകുന്ദൻ; 'പപ്പ'മോഷന്‍ ടീസ‍ര്‍

കഴിഞ്ഞ ഏപ്രിലില്‍ ചിത്രം റിലീസ് ചെയ്യാനിരിക്കുകയായിരുന്നുവെങ്കിലും കൊവിഡ് മൂലം റിലീസ് മാറ്റി വെയ്ക്കുകയായിരുന്നു. ഇപ്പോഴിതാ സിനിമയുടേതായെത്തിയ ടീസര്‍ പുറത്തിറങ്ങി നിമിഷങ്ങള്‍ക്കം തന്നെ ആരാധകര്‍ ഏറ്റെടുത്തിരിക്കുകയാണ്. ബോക്‌സ് ഓഫീസില്‍ വലിയ വിജയമായി മാറിയ കാര്‍ത്തി ചിത്രം കൈദിക്ക് ശേഷം ലോകേഷ് കനകരാജ് സംവിധാനം ചെയ്യുന്ന സിനിമയാണ് മാസ്റ്റര്‍ എന്ന പ്രത്യേകതയുമുണ്ട്.

Also Read: ബംഗാളി ഇതിഹാസ നടന്‍ സൗമിത്ര ചാറ്റർജി അന്തരിച്ചു

സിനിമയ്ക്കായ് അനിരുദ്ധ് രവിചന്ദര്‍ ഒരുക്കിയ ഗാനങ്ങളെല്ലാം തന്നെ ഇതിനകം വൈറലാണ്. ശന്തനു, ഭാഗ്യരാജ്, മാളവിക മോഹനന്‍, ആന്‍ഡ്രിയ ജെറീമിയ തുടങ്ങിയവരാണ് ചിത്രത്തിലെ മറ്റ് താരങ്ങള്‍. വിജയും വിജയ് സേതുപതിയും ആദ്യമായാണ് ഒരുമിച്ചഭിനയിക്കുന്നതെന്നതും സിനിമയുടെ പ്രത്യേകതയാണ്. വിജയ്‍യുടെ 64ാം സിനിമയുമാണിത്. ഡല്‍ഹി, കര്‍ണ്ണാടക, ചെന്നൈ എന്നിവിടങ്ങളിലായാണ് സിനിമ ചിത്രീകരിച്ചത്. കോളേജ് പ്രൊഫസറായാണ് ചിത്രത്തിൽ വിജയ് എത്തുന്നത്.

Also Watch :