തളത്തില്‍ ദിനേശനും ശോഭയും വീണ്ടുമെത്തുന്നു!

നയന്‍സിന്‍റെയും നിവിന്‍ പോളിയുടെയും രൂപത്തില്‍ തളത്തില്‍ ദിനേശനും ശോഭയും വീണ്ടും എത്തിയാല്‍ എങ്ങനിരിക്കും?

ധ്യാന്‍ ശ്രീനിവാസന്‍ തിരക്കഥയൊരുക്കി സംവിധാനം ചെയ്യുന്ന ലൗ ആക്ഷന്‍ ഡ്രാമ എന്ന ചിത്രത്തിലൂടെയാണ് ഈ കഥാപാത്രങ്ങള്‍ വീണ്ടും മലയാളികള്‍ക്ക് മുന്നിലെത്തുന്നത്.

ഒരിടവേളയ്ക്കു ശേഷം നയന്‍സ് വീണ്ടും മലയാളത്തിലേക്കെത്തുന്ന ചിത്രം കൂടിയാണിത്. സ്റ്റാര്‍ കമ്മ്യൂണിക്കേഷന്‍സിന്‍റെ ബാനറില്‍ പ്രശസ്തനടന്‍ അജുവര്‍ഗ്ഗീസ്, വിശാഖ് സുബ്രഹ്മണ്യം എന്നിവരാണ് ഈ ചിത്രം നിര്‍മ്മിക്കുന്നത്.

വടക്കുനോക്കിയന്ത്രത്തിന്‍റെ തുടര്‍ച്ചയല്ല ഈ ചിത്രമെന്ന് ധ്യാന്‍ പറയുന്നു. പേരും കഥാപാത്രങ്ങളെയും ഉപയോഗിക്കുന്നുവെന്ന് മാത്രം.

മുപ്പതുവയസ്സിനുമുകളിലുള്ള ഒരു യുവാവിന്റെ പ്രണയമാണ് ഈ ചിത്രത്തിലൂടെ അവതരിപ്പിക്കുന്നത്. ഒരു വിവാഹച്ചടങ്ങിനിടയില്‍ ശോഭയെ കണ്ടുമുട്ടുന്നു. ഇവരുടെ പ്രണയമാണ് ലൗ ആക്ഷന്‍ ഡ്രാമ.

ശ്രീനിവാസന്‍, ഉര്‍വ്വശി, അജുവര്‍ഗ്ഗീസ്, ധന്യാബാലകൃഷ്ണന്‍, സംവിധായകന്‍ ജൂഡ് ആന്റണി എന്നിവര്‍ക്കൊപ്പം തമിഴിലേയും കന്നഡത്തിലേയും താരങ്ങളും അഭിനയിക്കുന്നു. വിനീത് ശ്രീനിവാസന്‍റെ ഗാനങ്ങളും ചിത്രത്തിലുണ്ട്.