'തണ്ണീര്‍മത്തന്‍ ദിനങ്ങള്‍' തമിഴിലേക്ക്; വീണ്ടും കീര്‍ത്തിയാകാന്‍ അനശ്വര

പോയ വര്‍ഷം തന്നെ തണ്ണീര്‍ മത്തന്‍ദിനങ്ങളുടെ തമിഴ്, തെലുങ്ക് റീമേക്ക് അവകാശങ്ങള്‍ കെെമാറിയിരുന്നുവെന്ന് ഗിരീഷ് പറയുന്നു. അനശ്വര രാജന്‍ തന്റെ കഥാപാത്രത്തെ തെലുങ്കില്‍ വീണ്ടും അവതരിപ്പിക്കുമെന്നും അറിയിച്ചിരുന്നു. ഇപ്പോള്‍ വരുന്ന വാര്‍ത്ത തമിഴിലും അനശ്വര തന്നെയാകും നായിക എന്നാണ്.

മാത്യു തോമസും അനശ്വരയുമായിരുന്നു ചിത്രത്തിലെ പ്രധാന വേഷങ്ങളിലെത്തിയത്. വിനീത് ശ്രീനിവാസനും പ്രധാന വേഷങ്ങളിലൊന്ന് അവതരിപ്പിച്ചു. ശബരീഷ് വര്‍മ, ഇര്‍ഷാദ് എന്നിവരും ശ്രദ്ധേയമായ വേഷങ്ങള്‍ കെെകാര്യം ചെയ്തു.

Also Read: അടിയന്തരാവസ്ഥ കാലത്തെ കഥ; 'കൊല്ലവർ‍ഷം 1975' ടീസ‍ര്‍

ഈ വര്‍ഷം നേരത്തെ തന്നെ തണ്ണീര്‍മത്തന്‍ ദിനങ്ങളുടെ തമിഴ് റീമേക്കിന്റെ ചിത്രീകരണം ആരംഭിക്കാനിരുന്നതാണ്. എന്നാല്‍ കൊറോണയും ലോക്ക്ഡൗണും മൂലം ചിത്രീകരണം നീണ്ടു പോവുകയായിരുന്നു. മറ്റ് ഭാഷകളിലേക്ക് റീമേക്ക് ചെയ്യപ്പെടുന്ന മലയാള സിനിമകളുടെ നീണ്ട നിരയിലേക്ക് എത്തുകയാണ് തണ്ണീര്‍മത്തന്‍ ദിനങ്ങളും.

നേരത്തെ അന്ന ബെന്‍ ചിത്രം ഹെലനും റീമേക്ക് ചെയ്യുന്നുണ്ട്. ഹിന്ദിയില്‍ ജാന്‍വി കപൂറാണ് ഹെലന്‍ ആകുന്നത്. കീര്‍ത്തി പാണ്ഡ്യനാണ് തമിഴിലെ നായിക. അയ്യപ്പനും കോശിയും ആണ് റീമേക്ക് ചെയ്യുന്ന മറ്റൊരു ചിത്രം. പാര്‍ത്ഥിപനും കാര്‍ത്തിയുമാണ് തമിഴില്‍ അയ്യപ്പനും കോശിയുമാകുന്നത്.

Also Read: മഞ്ജു വാര്യരും സൌബിൻ ഷാഹിറുമൊന്നിക്കുന്ന 'വെള്ളരിക്കാ പട്ടണം': ഫസ്റ്റ് ലുക്ക് പുറത്ത് വിട്ട് നടി!