ആ ജാങ്കോ മുത്തശി നായികയാവുന്ന അടുത്ത ചിത്രം 'ഗാന്ധി നഗറില്‍ ഉണ്ണിയാര്‍ച്ച'

ഒരു മുത്തശി ഗദയിലെ മുത്തശിയെ അവതരിപ്പിച്ച രജനി ചാണ്ടി കേന്ദ്ര കഥാപാത്രമാകുന്ന ചിത്രം അണിയറയില്‍ ഒരുങ്ങുന്നു. ഗാന്ധി നഗറില്‍ ഉണ്ണിയാര്‍ച്ച എന്നാണ് ചിത്രത്തിന് പേര് നല്‍കിയിരിക്കുന്നത്. സിനിമയുടെ ഫോട്ടോ ഷൂട്ട് കൊച്ചിയില്‍ നടന്നു. നവാഗത സംവിധായകന്‍ ജയേഷ് മൈനാഗപ്പള്ളിയാണ് ചിത്രം ഒരുക്കുന്നത്. സാജു കൊടിയനാണ് ചിത്രത്തിന്‍റെ കഥയും തിരക്കഥയും ഒരുക്കിയിരിക്കുന്നത്.

മീഡിയ സിറ്റീസ് ആന്‍റ് മലബാര്‍ ഫിലിം കമ്പനിയുടെ ബാനറിലാണ് ചിത്രം നിര്‍മിക്കുന്നത്. ആക്ഷനും ത്രില്ലറും കോമഡിയുമൊക്കെ സമന്വയിപ്പിച്ച് ഒരുക്കുന്ന ചിത്രത്തില്‍ ഉണ്ണിയാര്‍ച്ച എന്ന കേന്ദ്ര കഥാപാത്രത്തെയാണ് രജനി ചാണ്ടി അവതരിപ്പിക്കുന്നത്. കോട്ടയം നസീര്‍ ചിത്രത്തില്‍ ഗൗരവക്കാരനായ എസ്‌ഐയുടെ വേഷത്തിലാണ് എത്തുക.

That Jango Old Lady to act in her New Movie

Lady Who played lead role in Oru Muthassi Gadha to act her New Movie Named Gandhi Nagaril Unniyarcha