'എ'സര്‍ട്ടിഫിക്കറ്റ്; ചായം പൂശിയ വീടിന് അനുമതി

നഗ്നതയുടെ പേരില്‍ വിലക്കിയ ‘ചായം പൂശിയ വീടിന്’ ഒടുവില്‍ പ്രദര്‍ശനാനുമതി. എ സര്‍ട്ടിഫിക്കേറ്റാണ് നല്‍കിയിരിക്കുന്നത്. ചിത്രത്തില്‍ നായിക പൂര്‍ണ നഗ്നയായി എത്തുന്നുവെന്ന് ചൂണ്ടിക്കാണിച്ചാണ് ചിത്രത്തിന് പ്രദര്‍ശനാനുമതി നിഷേധിച്ചത്.

കേരള രാജ്യാന്തര ചലച്ചിത്ര മേളയില്‍ 'ചായം പൂശിയ വീടി'ന് മികച്ച പ്രതികരണമാണ് ലഭിച്ചത്. കലാധരനും ബോളിവുഡ് നടി നേഹ മഹാജനുമാണ് ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിക്കുന്നത്. അഡ്വ.സെബാസ്റ്റ്യൻ പോള്‍ ആണ് സിനിമയ്ക്ക് വേണ്ടി ഹൈക്കോടതിയില്‍ ഹാജരായത്. എ സര്‍ട്ടിഫിക്കറ്റോടെ ചിത്രം ഉടന്‍ തിയേറ്ററുകളിലെത്തും.