കുട്ടി ഒാട്ടക്കാരന്റെ കഥ പറയുന്ന ബുധിയാ സിംഗ് ട്രെയിലർ

ഇന്ത്യയിലെ ഏറ്റവും പ്രായം കുറഞ്ഞ മാരത്തണ്‍ ഒാട്ടക്കാരനായ ബുധിയ സിംഗിന്റെ ജീവിതം സിനിമയാകുന്നു. ബുധിയ സിംഗ്-ബോണ്‍ ടു റണ്‍ എന്നാണ് സിനിമയുടെ പേര്. 48 മാരത്തണുകളില്‍ പങ്കെടുത്ത അഞ്ച് വയസുകാരനായ ബുധിയ സിംഗിനെ ചിത്രത്തില്‍ അവതരിപ്പിക്കുന്നത് മയുര്‍ പതൊലെ എന്ന കുട്ടി കലാകാരനാണ്.

മനോജ് ബാജ്പെയ് കുട്ടിയുടെ പരിശീലകനായ ബിരാച്ചി ദാസ് എന്ന കഥാപാത്രത്തെ അവതരിപ്പിക്കുന്നുണ്ട്. തിലോത്തമ, ശ്രുതി മറാത്തെ, ഗോപാല്‍ സിംഗ്, പ്രസാദ് പണ്ഡിറ്റ് എന്നിവരും ചിത്രത്തില്‍ പ്രധാന വേഷങ്ങള്‍ കൈകാര്യം ചെയ്യുന്നുണ്ട്. സൗമേന്ദ്ര പധിയാണ് ചിത്രം സംവിധാനം ചെയ്യുന്നത്. കുട്ടിയെ പരിശീലിപ്പിക്കുന്നതിന് വേണ്ടി പരിശീലകന്‍റെ കഷ്ടപ്പാടുകളും മാരത്തൺ ഓടുന്നതിന് വേണ്ടിയുള്ള ബുധിയ സിംഗിന്‍റെ ഒരുക്കങ്ങളും മറ്റുമൊക്കെയാണ് സിനിമയുടെ ഇതിവൃത്തം.