'എ' ക്ലാസ് തിയേറ്ററുകളില്‍ നാളെ മുതല്‍ മലയാള സിനിമകള്‍ ഉണ്ടാകില്ല

കൊച്ചി: പ്രദര്‍ശനം തുടരുന്ന ചിത്രങ്ങള്‍ നാളെ എ ക്ലാസ് തിയേറ്ററുകളില്‍ നിന്ന് പിന്‍വലിക്കാന്‍ നിര്‍മാതാക്കളുടെയും വിതരണക്കാരുടെയും സംഘടനകളില്‍ ധാരണയായി. സിനിമാ റിലീസ് തര്‍ക്കത്തില്‍ എ ക്ലാസ് തിയേറ്റര്‍ ഉടമകളുമായി ഇനി ചര്‍ച്ചക്കില്ലെന്ന് ഇരു സംഘടനാ ഭാരവാഹികളും വ്യക്തമാക്കി.

ഇതോടെ തിയേറ്ററുകളിലെ മലയാള സിനിമാ പ്രദര്‍ശനം പൂര്‍ണമായും നിലക്കുന്ന അവസ്ഥയിലാകും. പുതുവര്‍ഷത്തെ വരവേല്‍ക്കാന്‍ അന്യഭാഷാ ചിത്രങ്ങളായിരിക്കും തിയേറ്ററുകളിലുണ്ടാകുക. തിയേറ്റര്‍ വിഹിതത്തെ ചൊല്ലി, നിര്‍മാതാക്കളും വിതരണക്കാരുമായുള്ള തര്‍ക്കം ഒത്തു തീര്‍പ്പാകാതെ തുടരുകയാണ്.

ക്രിസ്‍‍തുമസിന് റിലീസുകള്‍ വേണ്ടെന്ന തീരുമാനിച്ച പ്രൊഡ്യൂസേഴ്സ് അസോസിയേഷനും ഡിസ്ട്രിബ്യൂട്ടേഴ്സ് അസോസിയേഷനും പ്രതിഷേധത്തിന്‍റെ രണ്ടാം ഘട്ടമായി സിനിമകള്‍ പിന്‍വലിക്കാനും മുൻപ് തീരുമാനിച്ചിരുന്നു. എന്നാല്‍, പ്രദര്‍ശനം തുടരുന്ന ചിത്രങ്ങളുടെ നിര്‍മാതാക്കളെ ബാധിക്കുമെന്നതിനാല്‍ ഈ നീക്കം ഉപേക്ഷിക്കുകയായിരുന്നു. എന്നാല്‍ ബുധനാഴ്ച ചേര്‍ന്ന സംയുക്ത യോഗം തീരുമാനം പുനഃപരിശോധിച്ച ശേഷം ചിത്രങ്ങള്‍ പിന്‍വലിക്കുമെന്ന് പ്രഖ്യാപിക്കുകയായിരുന്നു.

നിര്‍മാ താക്കളും വിതരണക്കാരും എക്സിബിറ്റേഴ്സ് ഫെഡറേഷനുമായി ഇനി വിട്ടുവീഴ്ചയ്ക്കില്ലെന്ന നിലപാടില്‍ ഉറച്ചു നില്‍ക്കുകയാണ്. മലയാള സിനിമാ വ്യവസായത്തില്‍ ലിബര്‍ട്ടി ബഷീറിന്‍റെ വണ്‍മാന്‍ ഷോയാണ് നട ക്കുന്നതെന്ന് ഇവര്‍ ആരോപിച്ചു. റിലീസുകള്‍ മുടങ്ങിയതോടെ 12 കോടിയിലധികം രൂപയുടെ നഷ്ടമുണ്ടായെന്നും സംഘടനാ നേതാക്കള്‍ അറിയിച്ചു. സമരം അവസാനിച്ചാല്‍ മുടങ്ങിക്കിടക്കുന്ന ചിത്രങ്ങളുടെ റിലീസിന് മുന്‍ഗണ ന നല്‍കും. മാസത്തില്‍ ഒരു സിനിമ വീതം റിലീസ് ചെയ്‍‍ത് നഷ്ടം നികത്താനാണ് ശ്രമിക്കുന്നത്.

There will not be movies from tomorrow in A class Theatre

There will not be movies from tomorrow in A class theatre. Associations of producers and distributers decided to withdraw movies from theatres from tomorrow.