ഈ പെൺകുട്ടി സൂപ്പർ പൊളിയാണ്! നിത്യയെ കുറിച്ച് ഇന്ദു

തമിഴ് സൂപ്പര്‍ താരം വിജയ് സേതുപതി മലയാളത്തിൽ നായകനായി എത്തുന്ന സിനിമയായ '19 1 a' യുടെ ചിത്രീകരണം തൊടുപുഴയിൽ നടന്നുകൊണ്ടിരിക്കുകയാണ്. ജയറാം നായകനായ മാർക്കോണി മത്തായിയ്ക്കു ശേഷം വിജയ് സേതുപതി മലയാളത്തിൽ അഭിനയിക്കുന്ന സിനിമ കൂടിയാണിത്. നവാഗതയായ ഇന്ദു വി.എസ് ആണ് ചിത്രം സംവിധാനം ചെയ്യുന്നത്.

Also Read: നീ എന്നും എനിക്ക് വാവയാണ്; എന്റെ കുഞ്ഞുവാവ; പങ്കുവിനെ കുറിച്ച് ആശ ശരത്!

നിത്യ മേനൻ, ഇന്ദ്രജിത്ത് സുകുമാരൻ , ഇന്ദ്രൻസ് തുടങ്ങിയവരാണ് സിനിമയിലെ മറ്റ് പ്രധാന അഭിനേതാക്കൾ. ഇപ്പോഴിതാ ലൊക്കേഷനിൽ നിത്യയോടൊപ്പം ഇരിക്കുന്ന ഒരു ചിത്രം പങ്കുവെച്ചിരിക്കുകയാണ് ഇന്ദു. ഈ പെൺകുട്ടി സൂപ്പര്‍ പൊളിയാണ് എന്ന് കുറിച്ചുകൊണ്ടാണ് ഇന്ദു ചിത്രം ഷെയര്‍ ചെയ്തിരിക്കുന്നത്. സിനിമയുടെ സെറ്റിൽ നിന്നുള്ള ചിത്രങ്ങൾ കഴിഞ്ഞ ദിവസം നിത്യയും ഇൻസ്റ്റയിൽ പങ്കുവെച്ചിരുന്നു.

Also Read: 'നിങ്ങൾക്ക് തോന്നുന്ന കാര്യം നടത്തി തരാനുള്ള ഒരു സ്ഥാപനവുമല്ല എൻ്റെ അക്കൗണ്ട്‌'; ശല്യക്കാരനെ തുറന്ന്കാട്ടി രേവതി

കൊവിഡ് മാനദണ്ഡങ്ങൾ പാലിച്ചാണ് തൊടുപുഴയിൽ സിനിമയുടെ ചിത്രീകരണം പുരോഗമിക്കുന്നത്. സോഷ്യൽ-പൊളിറ്റിക്കല്‍ ഡ്രാമ വിഭാഗത്തിൽ പെടുന്ന സിനിമയാണ്. നായകന്‍, നായിക എന്നുള്ള സാമ്പ്രദായിക സിനിമാ സങ്കൽപ്പങ്ങള്‍ വിട്ടു പിടിക്കുന്ന സിനിമ കുറച്ചു കഥാപാത്രങ്ങളിലൂടെ കഥ പറഞ്ഞുപോകുന്നതാണ് എന്ന് ഇന്ദു തന്നെ സിനിമയെ കുറിച്ച് മാധ്യമങ്ങളോട് വ്യക്തമാക്കിയിട്ടുണ്ട്. സലീം അഹമ്മദിനൊപ്പം ആദാമിന്റെ മകന്‍ അബു, കുഞ്ഞനന്തന്റെ കട, പത്തേമാരി എന്നീ ചിത്രങ്ങളില്‍ സംവിധാന സഹായിയായി പ്രവര്‍ത്തിച്ചിട്ടുള്ളയാളുമാണ് ഇന്ദു.

Also Watch :