കരൺ ജോഹ‍റിനെ ആകർഷിച്ച രണ്ട് മലയാള ചിത്രങ്ങള്‍

പ്രണയം ആഘോഷിച്ച സിനിമകളൊരുക്കി ബോളിവുഡിൽ സ്ഥാനം നേടിയ സംവിധായകനാണ് കരൺ ജോഹർ.എന്നാൽ ബോളിവുഡ്‌ കീഴടക്കിയ കരൺ ജോഹറിന്‍റെ മനസ് കീഴടക്കിയ ഒരു മലയാളി സംവിധായകനുണ്ട്.

നേരം,പ്രേമം എന്നീ രണ്ട് ചിത്രങ്ങൾ കൊണ്ട് തന്നെ തെന്നിധ്യയെ മുഴുവൻ കയ്യിലെടുത്ത അൽഫോൺസ് പുത്രനാണ് കരണിന്‍റെ മനസിൽ ഇടം നേടിയ മലയാളി സംവിധായകൻ. അവസാനമായി കണ്ട പ്രാദേശിക ഭാഷാ ചിത്രം ഏതെന്ന ചോദ്യത്തിന് കരൺ നൽകിയ ഉത്തരം 'പ്രേമം' എന്നാണ്. ചിത്രം ഒരുപാട് ഇഷ്ടപ്പെട്ടു, അൽഫോൺസ് പുത്രന്‍റെ നേരവും ഇഷ്ടമാണ്. തന്നെ ഏറെ ആകർഷിച്ച ചിത്രങ്ങളൊരുക്കിയ അൽഫോൺസിനെ അദ്ദേഹം ബോളിവുഡിലേക്ക് ക്ഷണിച്ചിരുന്നു.

പ്രാദേശിക ഭാഷയിൽ സിനിമയെടുക്കാൻ ഒരുങ്ങുകയാണെങ്കിൽ അത് തമിഴിൽ ആയിരിക്കുമെന്ന് അദ്ദേഹം പറയുന്നു. വിക്രം എന്ന നടനെ ഏറെ ഇഷ്ടമാണ് .