ആസ്വാദന നിലവാരത്തെ ബാധിക്കുന്നു
രണ്ടരമണിക്കൂറുള്ള സിനിമ യൂട്യൂബിലെത്തിയപ്പോൾ രണ്ട് മണിക്കൂര്‍ മാത്രം. ഇതിനെതിരെയാണ് ചിത്രത്തിന്റെ അണിയറപ്രവര്‍ത്തകര്‍ തന്നെ ഔദ്യോഗിക പേജിലൂടെ രംഗത്തുവന്നിരിക്കുന്നത്. രണ്ടര മണിക്കൂര്‍ ദൈര്‍ഘ്യമുള്ള സിനിമയെ രണ്ട് മണിക്കൂറില്‍ താഴെയാക്കി യൂട്യൂബില്‍ ചുരുക്കുമ്പോള്‍ പ്രേക്ഷകര്‍ക്ക് ലഭിക്കുന്ന ആസ്വാദന നിലവാരത്തെ കുറിച്ച് ഏറെ ആശങ്കയും വിഷമവുമുണ്ടെന്ന് തൊട്ടപ്പന്‍ ടീം വ്യക്തമാക്കുന്നു
നൊറോണയുടെ കഥ
സംവിധായകന്‍ ഷാനവാസ് പ്രശസ്ത എഴുത്തുകാരന്‍ ഫ്രാന്‍സിസ് നൊറോണയുടെ കഥയെ ആസ്പദമാക്കിയാണ് തൊട്ടപ്പന്‍ ഒരുക്കിയിരിക്കുന്നത്. പി.എസ് റഫീഖ് തിരക്കഥ എഴുതിയ ചിത്രത്തിൽ പുതുമുഖ നടി പ്രിയംവദയാണ് നായികയായി എത്തിയിരിക്കുന്നത്. ദിലീഷ് പോത്തന്‍, മനോജ് കെ ജയന്‍, കൊച്ചു പ്രേമന്‍, പോളി വില്‍സണ്‍, റോഷന്‍ മാത്യു തുടങ്ങിയവരാണ് ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
സിനിമയോട് നീതിപുലർത്താതെ ...
''ഇപ്പോഴിതാ സിനിമയുടെ വ്യാജപതിപ്പുകളും ഓൺലൈനിൽ വ്യാപകമായിരിക്കുന്നതായും അറിയുന്നു.. എന്നാൽ സിനിമയോട് നീതിപുലർത്താതെ രണ്ടര മണിക്കൂർ ഉള്ള ചിത്രം, രണ്ട് മണിക്കൂറിൽ താഴെയാക്കി ചുരുക്കിയാണ് യൂട്യൂബിൽ അപ്‌ലോഡ് ചെയ്തിരിക്കുന്നത്.''
തൊട്ടപ്പൻ
''മുഴുവൻ പടം പ്രേക്ഷകരെ കാണിക്കാനുള്ള സന്മനസ്സെങ്കിലും നിങ്ങൾ കാണിക്കണമായിരുന്നു...രണ്ടര മണിക്കൂർ സിനിമയെ രണ്ട് മണിക്കൂറിൽ താഴെയാക്കി ചുരുക്കുമ്പോൾ പ്രേക്ഷകർക്ക് ലഭിക്കുന്ന ആസ്വാദന നിലവാരത്തെ കുറിച്ച് ഏറെ ആശങ്കയും വിഷമവുമുണ്ട്.''
ക്രൈം സിനിമ
''നിങ്ങളുടെ ഇത്തരമൊരു ക്രൈം സിനിമയുടെ നിലവാരത്തെയും, പ്രേക്ഷകന് ലഭിക്കേണ്ട കാഴ്ച്ച അനുഭവത്തെയും തന്നെ തകർക്കുന്ന ഒന്നായെ കാണാനാകൂ..''
സിനിമയെന്ന കലാരൂപത്തെ തകർക്കുന്ന ഒന്നാണ് ഇത്
''സിനിമക്ക് വരുന്ന സാമ്പത്തിക നഷ്ടത്തിനേക്കാൾ അപ്പുറം, സിനിമയെന്ന കലാരൂപത്തെ തകർക്കുന്ന ഒന്നാണ് ഇത്. അതേസമയം നിങ്ങൾ ഇത് യൂട്യൂബിൽ അപ്പ്ലോഡ് ചെയ്തതിൽ ഒരു പരാതിയോ പരിഭവമോ ഞങ്ങൾക്കില്ല, പക്ഷെ ഈ സിനിമയുടെ നിലവാരത്തെ തന്നെയാണ് അറിഞ്ഞോ അറിയാതയോ നിങ്ങൾ തകർക്കുന്നത് എന്നതിൽ ഏറെ ദുഃഖമുണ്ട്.''
മികച്ച അഭിപ്രായങ്ങൾ പങ്ക് വെച്ചവർക്കു് നന്ദി
യൂട്യൂബിൽ മികച്ച അഭിപ്രായങ്ങൾ പങ്ക് വെച്ചവർക്കും നന്ദി!. നിങ്ങളുടെ പറമ്പിലെ വാഴക്കുല മോഷ്ടിച്ചിട്ട് ആ പഴത്തിന് നല്ല സ്വാദായിരുന്നു എന്ന് പറയുന്നവരോട് നിങ്ങൾ എന്ത് പറയും?''.
തമിഴിലും തിളങ്ങാൻ തൊട്ടപ്പൻ
അതേസമയം തൊട്ടപ്പന്‍ തമിഴിലേക്ക് റീമേക്ക് ചെയ്യുകയാണ്. സൂപ്പര്‍താരമാണ് വിനായകന്റെ കഥാപാത്രമായി സ്ക്രീനിലെത്തുക
തൊട്ടപ്പൻ തിളങ്ങുമെന്നുറപ്പ്
വളരെ ആശ്ചര്യത്തോടെയാണ് സംവിധായകന്‍ ഷാനവാസ് ബാവക്കുട്ടി തൻ്റെ ചിത്രം തമിഴിലേക്ക് മൊഴിമാറ്റുന്ന വാര്‍ത്ത സോഷ്യല്‍ മീഡിയയിലെ സുഹൃത്തുക്കളുമായി പങ്കുവെച്ചത്